影片
更多
2020-07-01
1205 瀏覽
NENE chicken 係出名嘅韓國過江龍炸雞店，奈何炸雞都成百幾實在太貴，一直都冇入去試。今次行街行到好晏，又見到用app book 有半價就入左去試。初頭都有啲膽心，因為網上評價唔太好，但九點入到去都仲係幾多人，望落啲食物都唔錯，就放心左啲。黎得炸雞店點會唔叫啲炸雞，要左半份無骨韓式甜辣炸雞($94)，冇骨食落真係好满足，啖啖肉。佢嘅炸雞熱辣辣嘅，有十塊到，表面都脆同有肉汁，可惜佢嗰甜辣醬偏甜，冇韓式嗰種辣，似泰國雞醬。炸蝦紫菜卷伴炒粉絲(＄88)，有10舊kimbap，飯嘅麻油味唔係太出，中間嘅饀份量比例都夠，但嗰炸蝦炸粉太淋，口感差左啲，亦唔夠調味。粉絲反而味道濃翻啲，有口感整體味道都比較淡口，但係份量非常夠，全部都係澱粉質，兩三人食都夠分。皇室豬肋骨伴芝士（中）(＄162)，份量好大，應該夠三個女仔分，因為佢除左豬肋骨仲有一小籃薯條。豬肋骨煮得好淋，夠入味，用叉輕輕一叉就可以拆哂啲肉出黎，切都唔使切，食得方便又衛生。圍邊嘅就係出名嘅韓式拉芝，加埋佢有青紅椒嘅配菜，食落好似pizza上面嘅饀，一口肉一口芝士食得好满足，不過食到后尾都因為太多芝士食唔哂。
黎得炸雞店點會唔叫啲炸雞，要左半份無骨韓式甜辣炸雞($94)，冇骨食落真係好满足，啖啖肉。佢嘅炸雞熱辣辣嘅，有十塊到，表面都脆同有肉汁，可惜佢嗰甜辣醬偏甜，冇韓式嗰種辣，似泰國雞醬。
炸蝦紫菜卷伴炒粉絲(＄88)，有10舊kimbap，飯嘅麻油味唔係太出，中間嘅饀份量比例都夠，但嗰炸蝦炸粉太淋，口感差左啲，亦唔夠調味。粉絲反而味道濃翻啲，有口感整體味道都比較淡口，但係份量非常夠，全部都係澱粉質，兩三人食都夠分。
皇室豬肋骨伴芝士（中）(＄162)，份量好大，應該夠三個女仔分，因為佢除左豬肋骨仲有一小籃薯條。豬肋骨煮得好淋，夠入味，用叉輕輕一叉就可以拆哂啲肉出黎，切都唔使切，食得方便又衛生。圍邊嘅就係出名嘅韓式拉芝，加埋佢有青紅椒嘅配菜，食落好似pizza上面嘅饀，一口肉一口芝士食得好满足，不過食到后尾都因為太多芝士食唔哂。
張貼
