沐白小農 (已結業)

元朗台式飲品愈開愈多，淨係千式附近已經有幾間。每一間都主打唔同嘅飲品，亦都各有特色。而呢間平時經過都留意到但係因為我唔係好好牛奶，所以一直都冇試到。而依排上網見到呢間台式飲品有珍珠放題，你都有唔少好評，放工經過就黎試吓。鋪頭都算幾大，裝修亦都非常之台式。晏晝六點鐘嚟唔使排隊，職員整飲品都好快。間唔中都會有期間限定，而今次就係珍珠放題，不過佢呢隻係黑糖珍珠比較甜所以我都冇加到好多。門口亦都有介紹，係用鮮奶而唔係奶粉。飲品種類都唔算少。亦都有自取同埋外送嘅服務連WhatsApp落單同埋WeChat落單都可以，不過就要滿$150，如果平時公司幾個人一齊叫都好方便最後揀嚟揀去都係叫咗招牌黑糖珍珠鮮奶同埋芋頭鮮奶，兩杯都超級多料，杯黑糖珍珠鮮奶入邊啲黑糖珍珠差唔多落左一半，飲落去每一啖都有珍珠，自己一個飲晒一杯都已經好飽。而芋頭鮮奶芋頭蓉都差唔多有一半，而且芋頭好有質感，唔會搞完之後就溶曬，亦都唔會起粒，係近期見過最好味嘅芋頭。呢杯鐵觀音烏龍鮮奶比想像中出色，茶味好龍痛牛奶比例啱啱好，因為我唔係好鍾意飲鮮奶，但係反而呢間嘅鮮奶飲品都接受到，比例好好。