囍源古早蛋糕 (已結業)

正所謂：「創作力量同幻想會嚇你一跳！」這間主打台式古早蛋糕的小店就真的嚇到我，因為足足有過百款口味，而小店的IG就會每日update當天的蛋糕口味，遇不到自己喜歡的口味？不要緊，店子提供訂製服務，只要提早三天就可以自由選擇自己的口味，相當個人化！坊間有不少趁熱潮而開的古早蛋糕，而小店老闆就曾經到台灣拜師，以正宗「水浴法」方式製作蛋糕，老闆解釋最簡單辦別的方法是蛋糕不燶邊，而且不會太乾身。此外，這裡的蛋糕更改良成低糖少油，每一盤都要花2-3小時製作，蛋味濃而且濕潤，真的可以吃出啖啖心機。◽ 鹹蛋肉鬆 面層和餡料都是滿滿肉鬆，食真啲仲有鹹蛋味，最重要是蛋糕依然夠軟熟，翻熱食的話更加好味。重點是好足料，每一口都嘗到肉鬆呀！◽ 斑蘭 $70斑蘭的招牌綠色超搶眼，平時食斑蘭蛋糕都係得顏色而無味道，這款真的令大家食到幽香的斑蘭香，吃過齒頰留香。◽ 紅棗杞子桂圓 $80平時少見的口味，但每食一啖說有紅棗桂圓味大爆發，可以食得出真材實料兼完全唔輕手。店子位於深水埗站附近，相當易搵，老闆都好熱情，主動講解什麼是台式正宗口味之餘，仲會教埋大家點樣切蛋糕。見到都好多人幫襯，蛋糕控唔好錯過呀！