池記 (已結業)

話說晏晝出開中環做嘢，做完嘢之後諗住搵個地方食下午茶，醒起中環原來都有間池記，又想食下雲吞麵，於是就幫襯池記嘅下午茶。店舖面積闊落，有兩層樓，而且人唔很多，所以入去之後都可以隨便坐低。檯面冇餐牌，但係我要主動問侍應，佢先比餐牌我，略嫌佢哋唔夠主動細心。我點咗鮮蝦雲吞麵，雲吞數量適中，但係麵份量比較少，所以食完都唔覺得飽，雲吞嘅蝦算新鮮，口感唔錯。因為唔夠食，所以點多咗兩隻滷水雞翼，味道唔錯。最後套餐送嘅杯凍豆漿，下午茶餐嘅份量唔多，但係都要＄70左右，下午茶嚟講算幾貴。