塩 (已結業)

1年即將完結了，這時候好想去一趟旅行，奬勵下努力了一年嘅自己，中環 shio 就即時滿足到我，唔使搭飛機都好似去咗日本咁🛫shio 係位於中環嘅日式居酒屋🏮，入座後可以穿上浴衣👘，享受刺身、串燒、鍋物等美食，仿如去咗日本一樣，最岩同閨蜜一齊黎打卡📸❥ 櫻花蝦炸豆腐將櫻花蝦包住豆腐一齊炸，櫻花蝦好香，裡面嘅豆腐保留到原有嘅香滑同柔軟口感👍🏻配有和風昆布鰹魚醬油，幾惹味❥ 雞白湯丸子🐓用原隻三黃雞慢煮24小時熬成雞湯🤩，口感滑溜，營養豐富，雞香而味道濃郁🫶🏻❥ 鱈魚白子刺身白子係日本冬日限定嘅補身良品✨，加入酸汁、蘿蔔蓉、葱花等，質感綿密嫩滑，入口即化😋❥ 浜燒日本岩蠔🦪 配素麵岩蠔都幾大隻，下面有麵底，味道清甜，食到岩蠔本身嘅原汁原味❥ 魚湯五目雜炊裡面有枝豆粒、本菇、甘筍粒、栗子及黑薯糕，再加入真鯛同金目鯛魚🐟炒飯，令每啖飯都有香濃嘅鯛魚味，頂層亦鋪有鯛魚片，口感新鮮嫩滑👍🏻❥ 立魚湯鍋🥘同樣以真鯛同金目鯛魚頭熬製而成，配上蔬菜，鮮味濃郁，真鯛魚油香味較重❥ 清酒煮蜆🍶以自家製雞白湯+清酒煮蜆，令湯底額外濃郁，蜆肉都幾大隻❥ 七味蒜雞腳筋味道香辣，開胃惹味，適合作為佐酒小菜🍶