鴻陞小食

營業中

休息中

今晚去左九龍城食泰國餐。話說已經好耐冇去九龍城食泰國野，於是去翻之前成日去既鴻陞食。一入去，即刻叫左我最鐘意既黃咖喱豬肉同埋蒜蓉包。老闆依然咁親切，服務態度唔錯。黃咖喱同蒜蓉包呢個組合真係無敵。好鐘意佢個黃咖喱，濃郁，夠味，足料。見到黃咖喱入邊有蛋花，我諗應該係因為蛋花既香味而整到黃咖喱好香。黃咖喱溝埋蒜蓉包，蒜茸味同咖喱既椰香溝埋一齊，好幸福！太邪惡啦！鐘意呢度既咖喱，因為夠香之餘，好正宗。呢個係我去曼谷食到既味道。之後叫左個椰青。椰青大大粒，好香而且好甜，仲有厚厚既椰肉，好夏天feel呀！其實飲飲完椰青再食埋椰肉已經好飽，30蚊既椰青真係物超所值！下次一定再黎食！