Applegreen - Beef & Vegetables (已結業)

Apple Green真係陪住我成長以前已經係常客想食得輕盈啲就會揀Apple Green。未結婚之前，要預備減肥都會約朋友嚟Apple Green。最鍾意食佢個火腿哈密瓜pizza, 哈密瓜嘅甜味加上意大利火腿嘅鹹香配合得天衣無縫到。依家有咗小朋友，Apple Green竟然裝修左轉左有半自助式嘅沙律吧，真係啱晒我呢啲鍾意食沙律嘅，最驚喜嘅係喺門口多咗一條用木製成嘅滑梯。依家帶我個仔去佢扭計就可以帶佢去滑梯度玩下。大人食得開心，小朋友又玩得開心。食物又高質素又好，環境又啱晒一家大細。依家朋友開始有小朋友大家約埋你一齊食Apple Green就真係最合適不過啦！