士林台灣麵

營業中

休息中

話說上回兩個人嚟食，見到隔離枱碟茄子好吸引，但係我哋冇叫到，而且已經飽，所以冇追加。趁今日落雨濕濕，冇地方好去，決定遠征元朗再食。去到唔算多人，如果坐出面就唔駛等位。最後等咗3個字就有位。入面地方細細，不過都算ok的。坐低叫嘢食，唔駛諗，一定要叫上次冇食到的茄子肉燥飯。由於上次已經試咗牛肉面的關係，今次決定試下雞扒面。結果絕對冇失望，兩樣都好味。另外叫咗凍既蜂蜜紅茶同埋香芋珍珠。呢兩杯嘢冇乜特別，我覺得普通。我對面嗰位覺得佢杯香芋珍珠好好飲。最後埋單盛惠123蚊，又一餐。