榮記茶餐室

營業中

休息中

終於嚟咗榮記食沙嗲麵，聽講食完人人都讚不絕口！當晚我地到咗餐廳全場滿座需要搭枱，個晚我地唔算太餓，但山長水遠嚟到慈雲山點都要試下呢到既名物。見到對面兩位少女叫咗一人一煲好杰好杰既沙嗲麵但最後食唔哂，我同男朋友就決定叫一個小菜同一個沙嗲麵就夠。跟小菜送既例湯飲落唔太濃味又清甜似無落味精我叫嘅蒜蓉炒油麥菜，正常水準無話好食定唔好食。主角終於嚟到！一上枱成個煲都係滾燙仲煮緊，個麵仲係生麵，當下望到覺得個湯唔算杰。食落花生味重，濃濃沙嗲味，極重口味。後來點知愈食愈杰，個麵索哂啲湯，一路食一路覺得開始有啲滯事後得地好覺得好彩我地兩個人叫一個沙嗲share，因為如果一人一個一定會食唔哂，除非你好鍾意好鍾意食沙嗲。其實呢個沙嗲煲既噱頭好好，幾得意，可以一試，但真係試一試體驗下就夠，下次再嚟食我地未必會再食沙嗲題外話：餐廳好細心，如果食沙嗲麵怕彈污糟衫餐廳可以提供小圍裙比客人。