裕記大飯店

營業中

休息中

行完山就嚟遠近馳名嘅裕記食燒鵝，原來一連有幾間呢啲飯店，咁呢間名氣最大就當然要試先。時間大概係6點，唔使等位，坐樓上，冷氣好夠，樓底有啲矮，似閣樓，上到去檯已有一包飯店logo 紙巾，梅子醬同一碟花生，好舊式嘅感覺，紙巾我地唔要了，花生我都食得幾多，因為好脆囗嘅👍點咗燒鵝例下庄，185蚊，碟都印咗logo😅 , 嚟到感覺似一隻大脾，所以隻鵝應該唔太大隻，有啲肥，肉唔多，皮微脆，無我預期咁香，脾底下仲有半隻鵝頭嘅。另點咗雜菜粉絲煲，好清，無乜味，再加瀨粉同粥，total 3xx埋單。走時勁多人等位啊，原來香港人咁鍾意食燒鵝😲。