影片
更多
2013-09-10
921 瀏覽
難得終於等到天氣好, 梗係要出車啦!由火炭去到上水, 突然醒起早前有朋友講過話上水有間冰室食牛肉通, 蛋治, 紅豆冰好出名, 即刻上網睇下位置係邊然後就向冰室出發喇我地預計食大約20分鐘應該可以起行去下個目的地啦點知下午兩點半都仲有唔少有係到排緊隊...正係到諗緊架單車放係門口又無鎖有d擔心之際, 有個好心人就幫我地鎖埋架車, 咁我地就可以安心咁食呢餐喇阿姐企係門口叫我地落左單先, 我地諗左陣, 就話要紅豆冰阿姐話: 紅豆冰無得跟餐要散吃, 廿一蚊大家都係叫個d架啦, 呢到由朝到晚都係食個個餐同通粉哈, 我鍾意阿姐你一眼就睇得出我地係慕名而來, 唔知頭唔知路會話我地知紅豆冰係要散叫的, 不過覺得唔太值所以都係叫返餐茶算喇入到去坐底, 冰室都係以綠色為主, 地下係鋪小小格既階磚地, 好有我小學既感覺格局都好懷舊, 頭頂上掛住吊扇等左好耐都仲未有野黎, 踩左咁耐好肚餓呀…開始同友人係到講, 既然阿姐話都係個d餐, 咁點解唔一早整定哂呢?凍奶茶一上枱, 即刻比我飲左一半, 係我鍾意既味道, 友人就嫌佢奶味重左d個人認為奶茶味道好個人, 因為有人鍾意多奶, 有人鍾意佢茶味濃終於都等到主菜到喇牛
由火炭去到上水, 突然醒起早前有朋友講過話上水有間冰室食牛肉通, 蛋治, 紅豆冰好出名, 即刻上網睇下位置係邊然後就向冰室出發喇
我地預計食大約20分鐘應該可以起行去下個目的地啦
點知下午兩點半都仲有唔少有係到排緊隊...
正係到諗緊架單車放係門口又無鎖有d擔心之際, 有個好心人就幫我地鎖埋架車, 咁我地就可以安心咁食呢餐喇
阿姐企係門口叫我地落左單先, 我地諗左陣, 就話要紅豆冰
阿姐話: 紅豆冰無得跟餐要散吃, 廿一蚊
大家都係叫個d架啦, 呢到由朝到晚都係食個個餐同通粉哈, 我鍾意阿姐你一眼就睇得出我地係慕名而來, 唔知頭唔知路會話我地知紅豆冰係要散叫的, 不過覺得唔太值所以都係叫返餐茶算喇入到去坐底, 冰室都係以綠色為主, 地下係鋪小小格既階磚地, 好有我小學既感覺
格局都好懷舊, 頭頂上掛住吊扇
等左好耐都仲未有野黎, 踩左咁耐好肚餓呀…開始同友人係到講, 既然阿姐話都係個d餐, 咁點解唔一早整定哂呢?
凍奶茶一上枱, 即刻比我飲左一半, 係我鍾意既味道, 友人就嫌佢奶味重左d
個人認為奶茶味道好個人, 因為有人鍾意多奶, 有人鍾意佢茶味濃
終於都等到主菜到喇
牛肉通: 普通, 不過個湯好有屋企煲既味道, 薑味重
蛋治: 上枱時好唔吸引, 因為見到個包又薄, 仲要爛爛地架添, 點解會咁架之後一打開, 嘩! 好厚既蛋呀! 好耐都未試過食d咁足料既蛋治, 好香滑
埋單時發現凍飲加一蚊咋喎, 都唔知幾耐無見過lu
如果下次有機會再踩到黎呢面就再幫襯你啦!
張貼
