影片
更多
2019-10-07
1090 瀏覽
每次送小妹返西貢，都總會經過白沙灣碼頭，原來個到有間酒店，酒店裏面仲有一間主打廚師發辦Omakase嘅隱世日本🇯🇵料理餐廳—「食之劇場餐廳」，雖然見到個餐廳名有d神秘，完全諗唔到係食咩，😂但係網上見到都頗有人氣，就帶小妹黎試下呢個「劇場」有幾巴閉啦！餐廳環境隱世幽靜，有種與世隔絕嘅感覺～店內裝潢以木色為主，有一大片落地玻璃，可以欣賞遊艇與海景，有鋪了榻榻米嘅和室，亦有壽司吧檯和卡座位。甫入座，店員就為我地倒左兩杯水，並介紹呢到用嘅水都係黎自日本—世界自然遺產白神山地出產嘅礦泉水，白神山地係幾乎未經過人工修繕嘅山林地帶，山泉水清澈甘甜，屬礦物質低的軟水。嘩，真係好pro！☺️搞到好期待！唔知烹調出黎嘅食物會唔會特別有「日本味」呢！😂😂餐廳於午市和晚市只各提供一款套餐，切合「劇場」嘅主題，呢到每一道菜都會如同一幕幕精彩表演上演～我地揀左最平嘅精選和食晚宴—「海」（$600），有前菜三點、刺身兩點、 茶碗蒸、燒物、手卷、椀物、甜品。第一道頭盤已經好驚喜！😍店員為我地揭開序幕，打開神秘嘅小木盒， 煙薰味四散，聞得出係用左蘋果木煙薰，裏面有前菜三點， 京都豆腐、水雲土佐啫喱、蒓菜長芋兩杯醋，京都豆
都總會經過白沙灣碼頭，
原來個到有間酒店，
酒店裏面仲有一間主打廚師發辦Omakase嘅隱世日本🇯🇵料理餐廳—「食之劇場餐廳」，
雖然見到個餐廳名有d神秘，
完全諗唔到係食咩，😂
但係網上見到都頗有人氣，
就帶小妹黎試下呢個「劇場」有幾巴閉啦！
餐廳環境隱世幽靜，
有種與世隔絕嘅感覺～
店內裝潢以木色為主，
有一大片落地玻璃，
可以欣賞遊艇與海景，
有鋪了榻榻米嘅和室，亦有壽司吧檯和卡座位。
甫入座，店員就為我地倒左兩杯水，
並介紹呢到用嘅水都係黎自日本—世界自然遺產白神山地出產嘅礦泉水，
白神山地係幾乎未經過人工修繕嘅山林地帶，山泉水清澈甘甜，屬礦物質低的軟水。
嘩，真係好pro！☺️
搞到好期待！
唔知烹調出黎嘅食物會唔會特別有「日本味」呢！😂😂
餐廳於午市和晚市只各提供一款套餐，
切合「劇場」嘅主題，
呢到每一道菜都會如同一幕幕精彩表演上演～
我地揀左最平嘅精選和食晚宴—「海」（$600），
有前菜三點、刺身兩點、 茶碗蒸、燒物、手卷、椀物、甜品。
第一道頭盤已經好驚喜！😍
店員為我地揭開序幕，打開神秘嘅小木盒，
煙薰味四散，聞得出係用左蘋果木煙薰，
裏面有前菜三點，
京都豆腐、水雲土佐啫喱、蒓菜長芋兩杯醋，
京都豆腐好滑，
都係以白神山水製作，
上面仲有鮮湯葉，即腐皮，
腐皮豆味香醇，
加上微辣惹味嘅日本明太子，形成強烈對比～
水雲土佐啫喱
啫喱上面有兩片秋葵，
水雲即係日本髮菜，調味偏酸，
幾有趣嘅口感！😌
水晶杯裏面係秋田縣嘅長芋，即新鮮嘅山藥，
加上蓴菜醋汁，
口感爽滑，酸酸地，好醒胃！
前菜三點
27 瀏覽
1 讚好
0 留言
第二道菜就係刺身兩點，
食之前，先來一碟店家自製嘅白醬油，
目的係令食材保留原色。
是日嘅刺身為來自東京灣嘅金目鯛和🌟推薦❗️岩手縣嘅生蠔，
生蠔淋上自家製蕃茄汁，
突出生蠔嘅甘甜味，
海水味淡，入口超creamy！😙
金目鯛厚切，鮮味爽口！😌
刺身兩點
22 瀏覽
0 讚好
0 留言
岩手縣生蠔
22 瀏覽
0 讚好
0 留言
🌟推薦❗️北海道海膽鰻魚蒸蛋
茶碗蒸上放左一大片海膽，感覺特別矜貴！😍
海膽甘甜味美，
茶碗蒸加了特別炮製嘅芡汁係蛋面，
令蒸蛋口感更滑溜！
係蒸蛋裏面仲藏有兩三件東京灣鰻魚，好足料呀！😋
北海道海膽鰻魚蒸蛋
16 瀏覽
0 讚好
0 留言
甲羅燒配多士
同一般只有蟹膏嘅甲羅燒不同，
「劇場」呈現嘅係用上湯煮過嘅啖啖松葉蟹肉嘅甲羅燒，
加左卜卜脆嘅蟹籽，更添口感！
配香脆多士一流！👍🏻
不過小編都係比較鐘意多1d蟹膏係裏面，感覺味道會更香濃呢！🙊
甲羅燒配多士
11 瀏覽
0 讚好
0 留言
花竹蝦天婦羅🍤手卷
紫菜幾香脆，
配上剛炸好嘅花竹蝦天婦羅，
外皮香脆，厚肉爽彈！
花竹蝦天婦羅手卷
9 瀏覽
0 讚好
0 留言
椀物係豆腐海帶味噌湯
豆腐海帶味噌湯
6 瀏覽
0 讚好
0 留言
🌟推薦❗️甜品係水信玄餅、最中配雪糕、北海道雷電赤蜜瓜
從淡到濃，
水信玄餅配黑蜜糖，
配上香甜嘅十勝紅豆，
仲要加左金箔作裝飾，零舍矜貴！😏
菊花形嘅最中係日本傳統餅，
加埋小編同小妹至愛嘅牛油果🥑雪糕，
製成了雪糕三文治，
正！無得彈！😋
最後北海道雷電赤蜜瓜，
香甜美味！
水信玄餅、最中配雪糕、北海道雷電赤蜜瓜
9 瀏覽
0 讚好
0 留言
整體來說，
餐廳環境優雅，
服務、食物有質素！
下次再黎食過返尋味！
張貼
