影片
更多
2022-04-27
78 瀏覽
趁天朗氣清嘅日子，未係好熱，約咗朋友一齊去行玉桂山同南朗山。行山之前做足準備，就係食返一個靚早餐先！自從開咗南港島線之後，鴨脷洲入邊都多咗好多新餐廳。Bonza就係其中一間，亦係最吸引我嘅一間。餐廳遠離鴨脷洲市中心，位於一條小街嘅角落。餐廳採用半開放式設計，光線充足，就算坐喺室內亦能欣賞整條街道嘅景色。有一邊牆身整齊地放滿一本本嘅雜誌，可以比客人隨便閱讀，感覺真係好放鬆。Bonza 主打係烈日窩夫🧇烈日窩夫口感比較紮實，香味來自天然法國酵母，製作過程比較繁複，有別於一般美式窩夫嘅鬆脆。點餐只需要掃一掃枱面上嘅QR code就可以睇到相片同埋食物嘅介紹，非常方便快捷。-班尼迪窩夫 Waffle Benedict ($135)平時食Benedict 嘅時候，我都會好掙扎，唔知點煙三文魚抑或火腿好😝但係喺Bonza就可以一次過滿足晒我兩個願望，因為佢哋可以點half and half；即係一件可以係西班牙火腿而另外一件就係可以係煙三文魚。窩夫有質感，材料新鮮，賣相吸引，令人食指大動😄-蟹肉牛油果窩夫多士Crab meat and Avocado Toasties ($88)睇餐牌嘅時候見到相
自從開咗南港島線之後，鴨脷洲入邊都多咗好多新餐廳。Bonza就係其中一間，亦係最吸引我嘅一間。餐廳遠離鴨脷洲市中心，位於一條小街嘅角落。餐廳採用半開放式設計，光線充足，就算坐喺室內亦能欣賞整條街道嘅景色。有一邊牆身整齊地放滿一本本嘅雜誌，可以比客人隨便閱讀，感覺真係好放鬆。
Bonza 主打係烈日窩夫🧇烈日窩夫口感比較紮實，香味來自天然法國酵母，製作過程比較繁複，有別於一般美式窩夫嘅鬆脆。
點餐只需要掃一掃枱面上嘅QR code就可以睇到相片同埋食物嘅介紹，非常方便快捷。
-班尼迪窩夫 Waffle Benedict ($135)
平時食Benedict 嘅時候，我都會好掙扎，唔知點煙三文魚抑或火腿好😝但係喺Bonza就可以一次過滿足晒我兩個願望，因為佢哋可以點half and half；即係一件可以係西班牙火腿而另外一件就係可以係煙三文魚。窩夫有質感，材料新鮮，賣相吸引，令人食指大動😄
-蟹肉牛油果窩夫多士Crab meat and Avocado Toasties ($88)
睇餐牌嘅時候見到相片有四件窩夫，但係實際到上枱嘅時候係有六件，份量非常之多! 蟹肉意想不到地鮮甜，窩夫有香草味，一試難忘😋
餐廳嘅飲品選擇好多，有各式各樣嘅咖啡以及用不同種類嘅新鮮水果去調製嘅Smoothie。真係要嚟多幾次先可以試晒佢所有飲品😍
-Immunity Booster （$65）
用紅菜頭、藍莓、菠蘿同薑打成嘅smoothie ，入口紅菜頭味比較重，帶有陣陣嘅薑味。飲完唔知免疫系統會唔會好咗呢？🤣不過感覺好健康。
-Sweet Rose Blossom Soda ($45)
淺粉紅色，加上少許乾玫瑰花瓣，甜甜地，好有少女feel💖(仲可以走冰！）
另外，餐廳門口有兩個咪錶位，泊車好方便。如果拍泊唔到喺門口，泊去街市附近個停車場，行返去Bonza都係幾分鐘，好方便揸車嘅人士。
我同朋友享受完美味嘅早餐之後，充滿能量地出發去行山啦🏔
張貼