影片
更多
2023-08-17
101 瀏覽
錦田係難得未被污染嘅世外桃源🏞️之前都冇乜機會會過嚟通常都係踩單車經過或者踩單車之前喺度食早餐跟住出發呢個社區完全無高樓大廈無商業建築好似係北區版西貢一樣但又無西貢咁多人咁多遊客實在係遠離繁囂/假日放空嘅好地方👨🏽🌾今日約咗其中一隻新界牛朋友一盡地主之宜去咗錦田呢一間特色Cafe之前都有留意佢最初喺西貢開業然後進駐錦田睇呢間餐廳嘅選址就知道佢係着重於生活態度同埋身心靈位於錦田嘅市中心位置郵局嘅對面店舖外面有一個空曠嘅日式風格平台簡約風格樸素嘅外觀入到去就係木系嘅裝潢倍添溫暖舒適再行入少少有一個小廳容納兩張Tatami餐桌再行入啲就係室外位置🎍好似去咗日本人屋企嘅庭園一樣不過當日落大雨我哋就無出去了另外Tatami嗰度大家記得記得要着襪保持衛生🧦🧦🧦🧦🧦我同我朋友當日就係唔記得着襪着咗涼鞋去於是我哋就唯有坐返出面嘅座位不過都冇所謂因為環境都係咁舒服😽同埋啲食物嘅出現實在令人心花怒放❤️🧡💛💜💙🫦檸檬蛋黃醬Dutch Baby Pancake 熱辣辣即叫即製嘅Touch Baby pancake雖然中文係荷蘭寶貝鬆餅但係其實係由美國人發明嘅既似鬆餅又似泡芙又有少少布甸嘅口感唔係度度都有得食㗎
之前都冇乜機會會過嚟
通常都係踩單車經過
或者踩單車之前喺度食早餐跟住出發
呢個社區完全無高樓大廈無商業建築
好似係北區版西貢一樣
但又無西貢咁多人咁多遊客
實在係遠離繁囂/假日放空嘅好地方👨🏽🌾
今日約咗其中一隻新界牛朋友
一盡地主之宜去咗錦田呢一間特色Cafe
之前都有留意佢最初喺西貢開業然後進駐錦田
睇呢間餐廳嘅選址就知道
佢係着重於生活態度同埋身心靈
位於錦田嘅市中心位置郵局嘅對面
店舖外面有一個空曠嘅日式風格平台
簡約風格樸素嘅外觀
入到去就係木系嘅裝潢倍添溫暖舒適
再行入少少有一個小廳容納兩張Tatami餐桌
再行入啲就係室外位置🎍
好似去咗日本人屋企嘅庭園一樣
不過當日落大雨我哋就無出去了
另外Tatami嗰度大家記得記得要着襪保持衛生🧦🧦🧦🧦🧦
我同我朋友當日就係唔記得着襪着咗涼鞋去
於是我哋就唯有坐返出面嘅座位
不過都冇所謂因為環境都係咁舒服😽
同埋啲食物嘅出現實在令人心花怒放
❤️🧡💛💜💙
🫦檸檬蛋黃醬Dutch Baby Pancake
熱辣辣即叫即製嘅Touch Baby pancake
雖然中文係荷蘭寶貝鬆餅但係其實係由美國人發明嘅
既似鬆餅又似泡芙又有少少布甸嘅口感
唔係度度都有得食㗎
個pancake係用鐵鍋直接上
職員再三叮囑我哋要小心因為真係好熱
蛋香味極濃少少燶邊餅皮煙韌又香脆
檸檬蛋黃醬酸酸甜甜非常開胃
上面仲有雲呢拿雪糕係冰火交融嘅感覺
雖然係甜品但係我哋當左做前菜咁食🤣
🫦波特磨菇Open Toast
鬆軟香脆嘅酸種麵包上面
舖上濃厚嘅黑松露醬汁
烘烤得軟稔多汁嘅大啡菇同埋火箭菜
火箭菜同黑松露互相消滅咗大家嘅苦味同鹹味😌
配搭簡單但味道非常的配合
🫦香蔥鴨南蠻蕎麥麵
湯汁鮮甜清澈/蕎麥麵質夠實在
而細嚐會食到粒粒蕎麥嘅天然味道
大蔥令人非常驚喜蔥層之間夾雜着湯汁
無渣/清脆/菇菇同埋鴨肉炆得好稔同入味
🫦烤比爾芝士配吐司
比爾芝士係比較軟身嘅芝士
無拉絲效果通常用來搽麵包
口味比較清淡同溫和
經烘烤芝士溶化微熱迫出芝士香味
一羹芝士抹上一片酸種吐司
係早餐的極致🥲🥲
🫦原味鬆餅/豆腐巴斯克芝士蛋糕
鬆餅偏濕潤蛋糕嘅質感
我就比較鍾意乾身餅乾質感多啲
我個新界牛朋友就覺得好好食
同埋佢附上一整甖果jam絕對夠蘸🤣
巴斯克蛋糕我就覺得非常之驚喜😍
因為佢所講嘅豆腐味係實在食到豆香
而豆腐同cheesecake個味都好夾
平時我食芝士蛋糕都鍾意食原味
因為想食到佢個實力
不過今次我覺得無揀錯
因為真係一試難忘
我覺得比起某一間好多人排隊嘅巴斯克蛋糕Cafe更加好食
🫦Dirty / Mocha
我個friend本身都鍾意飲Dirty
不過佢就怕有陣時咖啡過於濃縮嗰種厚重fruity味
今次佢就大讚呢隻係佢鍾意嗰款好順口
熱嘅咖啡撞落去凍奶度
但係你又唔會去攪勻佢
令到一次過飲到唔同濃度嘅咖啡
每一啖都有唔同嘅層次
而且店員都好好知道我哋鍾意影食物
問我哋使唔使杯dirty等埋啲嘢食先至上
等啲相可以影得靚啲🤣🤣
我嗰杯ice mocha 就比較nutty
係我喜歡嘅芳香醇厚少少苦澀朱古力味🥰
Portobello open toast
2 瀏覽
0 讚好
0 留言
香蔥鴨南蠻蕎麥麵
2 瀏覽
0 讚好
0 留言
烤比爾芝士配吐司
2 瀏覽
0 讚好
0 留言
原味鬆餅/豆腐巴斯克蛋糕
0 瀏覽
0 讚好
0 留言
Lemon Curd Dutch Baby Pancake
1 瀏覽
0 讚好
0 留言
Dirty
3 瀏覽
0 讚好
0 留言
張貼
