影片
更多
2022-10-28
29 瀏覽
位於大圍嘅小街，有一間裝修簡約嘅Cafe，令人有遠離繁囂嘅感覺，無論係同朋友嚟飲杯咖啡傾吓計定係想自己一個享受me time都咁適合。餐廳係半自助形式，喺收銀處點好食物之後要自己斟水同拎餐具，呢度嘅窩夫全部都係即叫即整，所以要耐心等候，食物準備好之後店員就會送過嚟㗎啦！Lotus 餅乾焦糖咖啡雪糕麻薯窩夫 $75相信大家對酥脆香甜嘅Lotus焦糖餅乾一定唔陌生，但唔知大家又有冇食過用呢款餅乾做嘅甜品呢？如果未食過，大家可以嚟位於大圍嘅夏雪試吓呢款Lotus 餅乾焦糖咖啡雪糕麻薯窩夫。窩夫外脆內軟，切開中間有煙煙韌韌嘅麻糬，增加口感。除咗窩夫好食，咖啡味雪糕亦十分濃郁，可以中和一下焦糖味嘅甜膩。焦糖京都小山園抹茶窩夫 $60呢道甜品除咗窩夫仲有蕨餅、抹茶白玉同抹茶雪糕，一碟入面有多款日本甜品，十分抵食。窩夫同雪糕茶味非常濃厚，仲有少少回甘，抹茶控千祈唔好錯過。溫馨提示：夏雪門面冇顯眼嘅招牌，大家小心唔好行過籠呀😅
餐廳係半自助形式，喺收銀處點好食物之後要自己斟水同拎餐具，呢度嘅窩夫全部都係即叫即整，所以要耐心等候，食物準備好之後店員就會送過嚟㗎啦！
Lotus 餅乾焦糖咖啡雪糕麻薯窩夫 $75
相信大家對酥脆香甜嘅Lotus焦糖餅乾一定唔陌生，但唔知大家又有冇食過用呢款餅乾做嘅甜品呢？如果未食過，大家可以嚟位於大圍嘅夏雪試吓呢款Lotus 餅乾焦糖咖啡雪糕麻薯窩夫。窩夫外脆內軟，切開中間有煙煙韌韌嘅麻糬，增加口感。除咗窩夫好食，咖啡味雪糕亦十分濃郁，可以中和一下焦糖味嘅甜膩。
焦糖京都小山園抹茶窩夫 $60
呢道甜品除咗窩夫仲有蕨餅、抹茶白玉同抹茶雪糕，一碟入面有多款日本甜品，十分抵食。窩夫同雪糕茶味非常濃厚，仲有少少回甘，抹茶控千祈唔好錯過。
溫馨提示：夏雪門面冇顯眼嘅招牌，大家小心唔好行過籠呀😅
張貼
