Leaf Tea Boutique (已結業)

之前，走嚟一嚐西式花茶；當時，期待著未開嘅地庫之餘，仲有即將售賣嘅蛋糕！記得第一次幫襯，女店主話我知正式開張為 2010年12月4日，到時會有個小型 party ，時間許可走嚟湊熱鬧！ 只見門口有不少花牌。呢日，地庫已經裝修好，搵日放工嚟食件 cake !出面係熱鬧嘅中環，正正係長行人天橋橋底，過條馬路就係東方錶行。地庫小角有遠離繁囂感覺，放置一些植物及葉主題圖畫作點綴，清新怡人！放工走嚟，可將公事暫時拋諸腦後，一樂也！今次，終於可以試到蛋糕！蛋糕全部 $28/ 件，有好幾款，就試吓最特別呢款！伯爵栗子蛋糕 $28賣相相當精緻，栗子蓉之間有一層蛋糕，蛋糕再唧上栗子，形成花狀圖案；放上一塊白朱古力，半粒紅桑子。可見蛋糕師傅下了不少心思！ 仲要係呢款最後一件，應該好好賣！栗子食落有點硬！唔排除係擺耐咗，蛋糕質地夠滑，甜味恰到好處！一試無妨！玄米茶 (試飲)開張日試飲這款玄米茶，比較香港嘅日本餐廳，相對濃味！當我飲嘅時候，自然嗅到淡淡嘅炒米香味；相信跟蛋糕係 perfect match ！可惜，我唔想食太飽，還要返屋企食冬至飯。