泰聚 (已結業)

早前限聚令嘅時候，好多地方都唔能夠去，唯有同朋友去咗下白泥露營。到走嘅時候，與附近冇乜嘢食大家都好肚餓，所以就揸車去咗出少少嘅天水圍搵嘢食而搵到呢間。泰國菜其實都幾難唔好食，就好似扎肉撈檬同埋龍眼冰呢兩味，但係開心嘅係佢有芒果糯米飯同椰青，唔係間間都見到。雖然嗰日本身係想食下午茶，但係份量非常之大，最後要兩個人share食先食得晒龍眼冰都幾好飲，但係留意冇得走甜，怕甜嘅可能要揀第二款飲品。芒果糯米飯有大大塊芒果，甜酸度適中，配合埋糯米飯非常之夾。略嫌忌廉重手左，有少少膩。椰青大大個，飲完之後亦都刮到好多果肉可以食。