影片
更多
2022-10-18
172 瀏覽
The pier hotel 喺西貢好出名，但估唔到酒店原來有間日本餐廳，專門食omakase，仲要係對住個遊艇海景view，我諗香港只有呢一間餐廳，有依一個海景view為咗慶祝同行朋友嘅生日，今日決定食豪啲，呢度除咗有對住師傅嘅吧枱位置，仲有兩張枱係可以看住海景，其餘仲有啲VIP房間由於我哋想試多啲唔同菜式，分別一個set - B omakase$1680 和 set - C星$1380✨前菜有四款，分別有北海道蕃茄，京都豆腐配葛粉汁，松葉蟹焗蛋，玉子燒配海老、番薯🍠，師傅介紹我哋由最淡味嘅豆腐開始食起，個松葉蟹最有驚喜，依家係蟹🦀️季，蟹肉特別鮮甜✨刺身：鰹魚、八爪魚🐙、北海道小樽水爪、醬油赤身、大拖羅，八爪魚非常有咬口，但係又唔會過韌，鰹魚用火槍火炙過，釋出魚油脂香，赤身同拖羅冇得彈✨北海道石垣貝下面係有海草碎，好爽口鮮甜✨北海道牡丹蝦配海膽醬牡丹蝦有成隻手指咁粗，肉質晶瑩剔透，海膽醬濃郁，配埋一齊食好夾✨香箱蟹係蟹乸，分別有蟹膏、蟹籽、蟹肉、蟹腳、配埋旁邊嘅醋一齊食，可以完全帶出蟹的鮮甜味✨甘雕立鱗燒熱油淋上魚鱗面，令到魚鱗站起，魚鱗好爽脆魚肉好嫩滑，下面有麵豉醬可以加埋銀杏一齊
為咗慶祝同行朋友嘅生日，今日決定食豪啲，呢度除咗有對住師傅嘅吧枱位置，仲有兩張枱係可以看住海景，其餘仲有啲VIP房間
由於我哋想試多啲唔同菜式，分別一個set - B omakase$1680 和 set - C星$1380
✨前菜有四款，分別有北海道蕃茄，京都豆腐配葛粉汁，松葉蟹焗蛋，玉子燒配海老、番薯🍠，師傅介紹我哋由最淡味嘅豆腐開始食起，個松葉蟹最有驚喜，依家係蟹🦀️季，蟹肉特別鮮甜
✨刺身：鰹魚、八爪魚🐙、北海道小樽水爪、
醬油赤身、大拖羅，八爪魚非常有咬口，但係又唔會過韌，鰹魚用火槍火炙過，釋出魚油脂香，赤身同拖羅冇得彈
✨北海道石垣貝
下面係有海草碎，好爽口鮮甜
✨北海道牡丹蝦配海膽醬
牡丹蝦有成隻手指咁粗，肉質晶瑩剔透，海膽醬濃郁，配埋一齊食好夾
✨香箱蟹
係蟹乸，分別有蟹膏、蟹籽、蟹肉、蟹腳、配埋旁邊嘅醋一齊食，可以完全帶出蟹的鮮甜味
✨甘雕立鱗燒
熱油淋上魚鱗面，令到魚鱗站起，魚鱗好爽脆魚肉好嫩滑，下面有麵豉醬可以加埋銀杏一齊食
✨天婦羅
有松葉蟹棒，青椒，京都南瓜，番薯🍠，炒粉好薄，完全唔會有油膩感，旁邊有竹炭鹽，可以點埋一齊食
✨岩手三龍尾崎蠔
蠔非常大隻，厚肉，蠔中間比較爽口
✨赤身，大拖羅
極度肥美，入口柔潤鮮甜
✨帶子
來宮城縣的帶子配上竹炭、青檸汁，完全帶出帶子嘅鮮甜同爽口
✨深海池魚
比較重油脂，魚肉非常肥美
✨右口魚
屬於白身魚，魚味會比較淡，但面頭經過火炙，油脂感爆發
✨北寄貝
面頭加上醋麵豉，酸酸地，北寄貝爽口彈牙
✨秋刀魚
配上牙蔥，洋蔥，由於秋刀魚10月份係當造季節，一啲都冇腥味
✨赤身醬漬
配上矜貴嘅魚子醬，醬油漬好唔好食，好考師傅功夫，醬油味道香濃
✨A5和牛壽喜燒
上菜嘅時候，和牛煮到五成熟，入口即溶，壽喜燒汁唔會太甜，濃度剛剛好，生雞蛋蛋黃橙黃色，蛋味極濃，和牛配埋蛋汁，白飯一齊食，可以話係最佳絕配
✨藍蝦
面頭有蝦頭蝦膏，帶出蝦嘅層次感
✨北海道馬糞海膽
加上三文魚籽，入口晶瑩爽彈，海膽十分creamy，鮮甜
✨立魚湯
用大量白身魚骨煲成，十分鮮甜
✨甜品
靜岡蜜瓜，Tiramisu，蜜瓜水份充足，十分爽甜
張貼
