影片
更多
2015-06-14
2127 瀏覽
友人率直敢言，個性好動，每逢假日總愛四處遊走，不過筆者就啱啱相反，一放假就窩在家裡，簡直懶到出汁。友人見我如斯窩囊，教人氣結，決定週日拉我去吃個 Brunch，順道到香港仔一帶逛逛才回家。原來今次要到訪的餐廳《CIRQLE》，座落於由舊式倉庫大廈改建而成的精品酒店《Ovolo Southside》之內。據說餐廳主打新派地中海及東南亞創意健康菜式，而剛推出的 Sunday BBQ Brunch，客人不但可以坐在室外的露天陽台享受戶外日光，而且更可細味多款燒烤及海鮮美食，加上每星期仲有 DJ 現場表演，嘩！聽落好鬼吸引，OK！You win，馬上出發。由於今次是筆者首度到訪這酒店，所以決定先上三樓大堂逛逛，原來這幾隻熊貓擺設後面就是酒店的健身房，從落地玻璃往內望，地方看起來十分寬敞闊落，而且健身設備齊全。再經過以升降台作裝飾的接待處就是酒店的大堂咖啡廳，旁邊更擺放咗一張桌球檯供客人享用。再往上一層走就是餐廳，原來地方頗大，佔據酒店四樓全層，裝潢以金屬擺設為主，銀灰色牆身加上原木餐檯，布置既摩登又簡約，配合梳化座椅前的全開放式廚房，環境舒適悠閒，自然得來又唔造作。趟開用餐區的玻璃門，原來這裡
友人率直敢言，個性好動，每逢假日總愛四處遊走，不過筆者就啱啱相反，一放假就窩在家裡，簡直懶到出汁。友人見我如斯窩囊，教人氣結，決定週日拉我去吃個 Brunch，順道到香港仔一帶逛逛才回家。原來今次要到訪的餐廳《CIRQLE》，座落於由舊式倉庫大廈改建而成的精品酒店《Ovolo Southside》之內。據說餐廳主打新派地中海及東南亞創意健康菜式，而剛推出的 Sunday BBQ Brunch，客人不但可以坐在室外的露天陽台享受戶外日光，而且更可細味多款燒烤及海鮮美食，加上每星期仲有 DJ 現場表演，嘩！聽落好鬼吸引，OK！You win，馬上出發。
由於今次是筆者首度到訪這酒店，所以決定先上三樓大堂逛逛，原來這幾隻熊貓擺設後面就是酒店的健身房，從落地玻璃往內望，地方看起來十分寬敞闊落，而且健身設備齊全。再經過以升降台作裝飾的接待處就是酒店的大堂咖啡廳，旁邊更擺放咗一張桌球檯供客人享用。
再往上一層走就是餐廳，原來地方頗大，佔據酒店四樓全層，裝潢以金屬擺設為主，銀灰色牆身加上原木餐檯，布置既摩登又簡約，配合梳化座椅前的全開放式廚房，環境舒適悠閒，自然得來又唔造作。趟開用餐區的玻璃門，原來這裡還有一個以太陽傘及植物作點綴的室外大露台，這裡不但視野開揚，而且更可以欣賞到海洋公園的景致，很有渡假 feel 呢！
先講吓今次 Brunch 的供應時間，原來是每逢星期日，由 12 noon 至 3:30pm，嘩，時間好長，可以慢慢嘆，價錢：成人每位 $448、小童 $248，另設加一。
是時候開餐了，先點飲品，原來食客除了可於 Juice Bar 任點青蘋果汁、西瓜汁、西柚汁、橙汁、青瓜汁、甘筍汁、菠蘿汁及梨汁外，還可以任飲三款 Sangria，分別有紅酒、白酒及 Rose，選了橙汁及白酒各一，前者加冰後入口味道清新香甜，而後者則以新鮮水果粒加白酒自家炮製，喝起來果香滿載，很適合夏天享用，Cheers！
食物方面，先介紹中央的自助區域，其實這裡主要有 Seafood Bar 同 Salad Bar，相信大部份人食 buffet 都愛由海鮮出發，雖然這裡的海鮮選擇唔多，只有蝦、翡翠螺和蟹鉗，不過全部味道都好鮮甜，特別是翡翠螺，肉厚爽滑，再配埋冷盤的煙三文魚及紫椰菜沙律，確實是個唔錯的開始。
至於 Salad Bar，其實這裡真係有唔少素食選擇，除了最搶眼奪目的番茄水牛芝士沙律外，放眼所見仲有藜麥沙律、青豆角沙律、南瓜沙律、西瓜沙律、青瓜沙律、吞拿魚薯仔沙律、紅菜頭沙律、泡菜、西蘭花及雞肉長通粉等等，吃罷感覺特別清新輕盈，很適合愛食得健康的朋友。
接著當然要走出室外一轉，去 Live BBQ Station 看看，原來這裡有廚師即場為客人燒烤，數一數，烤物共有 10 款選擇，當中包括有大頭蝦、豬腩肉、蘑菇、雞翼、茄子、雞肉串、香腸、青口、羊肉串及南瓜。揀了數款試試，水準大至上都不俗，尤其是豬腩肉，肉串醃得十分入味，吃起來香氣濃郁，用來配自家調製的不同口味燒烤醬料吃，辛香微辣，刺激胃口。
另外也試了 Omelette Section 的即點即煎奄列，原來客人可於日本蛋、美國蛋及鵪鶉蛋當中自選其中一款，好有特色，再加上自選牛油果醬、火腿、三色椒、西班牙辣肉腸、車厘茄或芝士等配料，煎香後吃起來滑溜惹味，蛋香濃郁，咬在嘴還熱呼呼的，格外好吃。
到甜品時間了？咪住，其實好戲還在後頭，原來這個 Sunday Brunch 仲包一款主菜同一客 Side Dish，每位客人可以於四款主菜，包括 Field Mushroom Pan、Breakfast Sliders、Baked Cuttlefish、Handmade Flat Bread，及三款 Side Dish，包括 Fume French Fries、Mini Vegetables Tempura、Truffle Mac & Cheese 當中各揀一款。主菜方面，和友人分別點了 Field Mushroom Pan 及 Baked Cuttlefish。前者以溫泉蛋配炒雜菌多士，雜菌的分量雖然唔算好多，不過吃起來菌香泗溢，而友人就特別鍾情那隻賣相誘人的溫泉蛋，刺穿後以多士蘸點著蛋汁來吃，享受脆口多士伴香滑蛋汁的快感。
至於另一客 Baked Cuttlefish 番茄煮墨魚仔，墨魚仔外形肥美飽滿，以番茄仔及辣椒烹煮，用小鐵鍋端上桌，入口爽滑彈牙，鮮味十足，配上酸辣醬汁，開胃惹味，以多士伴吃，令人忍不住一口接一口。
配菜方面，和友人亦分別點了 Fume French Fries 及 Mini Vegetables Tempura 各一，前者薯條放上檯時還是熱燙燙的，入口外脆內軟，實在討人歡心，當然再伴以自家調製的黑松露蛋黃醬吃，更覺香口惹味。至於後者的迷你雜菜天婦羅，驟眼看還以為是煎釀三寶添，原來是以青紅椒及粟米芯等炸成，外層粉漿夠曬薄，而且新鮮炸起，咬下脆口不油，令人一試難忘！
最後當然是來到甜品環節，講真，這裡的甜品款式唔多，只有 chocolate brownie、orange cake、toffee pudding 同 candies 等，而且水準亦未見突出，反而幾喜歡個 chocolate fondue，朱古力醬甜度適中，味道香濃又唔嗆喉，以棉花糖及好幾款新鮮水果蘸點入口，吃得非常滿足。整體來說，這裡的 Sunday Brunch 水準的確不俗，而且價錢合理，唔想星期日的覓食區份，嚟嚟去去唔係中環、尖沙咀就銅鑼灣的話，這裡絕對是個不錯的選擇。
張貼
