緻 (已結業)

最近夜晚都鍾意同女朋友去海旁行吓，知道將軍澳呢頭都開咗唔少嘅餐廳，而且周圍嘅環境都好寧靜，所以今晚就黎搵吓有啲咩好食，食完飯就喺海旁行吓～～因為真係太鍾意食串燒嘅關係，竟然比我搵到呢一間緻有串燒食，而且佢仲要唔同嘅串都用唔同嘅醬汁嚟燒，好有誠意啊😍😍叫咗一個特選串燒盛合，一共有九款串燒，包括一串牛舌芯、牛西冷、加拿大豬拖羅、白豚五花腩、雞頸肉、雞柳、雞胸軟骨、雞腿！雞砂肝😋😋個人比較推介豬拖羅，入口即溶嘅感覺，而且肉味好濃！仲有雞砂肝，即係雞腎，用咗芝麻汁燒，好爽脆😆😆另外叫咗一個味噌茄子，佢係日式版嘅燒茄子，頭同尾比較硬，中間比較淋身，適合鍾意唔同口感嘅朋友🤣🤣最後驚唔夠飽所以叫咗一個櫻花蝦炒飯，呢個炒飯櫻花嘅份量都唔少，仲加入左蘿蔔粒，炒飯粒粒分明，分量幾多，食完好飽😆😆👍