真味鮮廚 (已結業)

住觀塘嘅朋友話，佢屋企長輩好鍾意食呢一間餐廳嘅任食，剛好近日爸爸工作辛苦，收工就抽空帶佢同媽咪去試下，慰勞一下辛苦工作嘅佢。🥢-佢哋首先會上幾樣非任食嘅食物，有刺身拼盤、重慶雞煲、巨型水餃王、海鮮盤（可以選肉蟹🦀或者🦞龍蝦）同埋特級安格斯肥牛。-刺身拼盤質素很不錯，三文魚油脂豐腴，希靈魚爽口非常，帶子貝柱肥厚，鮑魚則鮮甜彈牙。-肥牛雪花❄️分佈平均，而且份量好多。雞煲則惹味嫩口。而巨型水餃王，質素亦唔輸海鮮同肉，餡料飽滿，裡面有原隻爽口鮮蝦，皮亦好薄。🥟-而最最重頭戲就係海鮮拼盤，我地揀選咗龍蝦海鮮盤，大大隻龍蝦每人半隻，夠鮮夠爽，而且每人獨霸半隻真係好過癮。其他海鮮，例如蒸蟶子、青口、龍躉片、扇貝、海蝦、鱔片等全部質素都很不錯。-食完非任食round之後，其實已經幾飽😆，因為佢d海鮮比得全部都好重手，不過任食火鍋料裏面都有好多都好高質，例如有肉味濃郁嘅黑豚肉、爽脆鵝腸、滑溜溜嘅台灣鴨紅同皮薄餡足嘅自家製韮菜餃等等，整體質素都很不錯，值得encore。