影片
更多
2024-05-25
585 瀏覽
難得今日星期二閒日放假，落雨都特登揸車同朋友入屯門試試呢間新墟咖啡。餐廳位於村屋，周圍唔見有泊車咪錶位，好彩當日落大雨，冇人出嚟抄牌👮🏽♀️我哋喺餐廳坐低，見到好多人都係揸車入嚟買外賣。檸檬蟹肉蟹膏意大利粉有驚喜✨($118)因呢間舖頭好似招牌菜係豬柳強班戟😂❓餐廳提供嘅蟹肉好食到，令我同友人一度懷疑唔係罐頭蟹肉（最後冇向職員Fact check）檸檬配蟹肉呢一個組合不嬲都好穩陣，蟹肉份量適中，可惜明顯蟹膏欠缺，令意粉欠缺蟹油香，值得讚嘅係意大利粉食落煙靭有彈性，如果檸檬香再出啲會更好。Groot BB (All Day Breakfast) ($103)味道方面，炒蛋、芝士焗杏鮑菇、小蕃茄正常發揮，但份量略少，2片三文魚需另加$15。牛油果沾到黑醋汁，外表睇落令我哋覺得個牛油果太老太熟，餐牌標榜酸種麵包，但其實黑麥味重啲，食得出冇乜酸種，似Outback steakhouse麵包，加咗芝士同香草點綴一下，令口感冇咁乾身。其實仲叫咗杯熱latte，拉花幾靚嘅，但又係重奶，冇乜咖啡香，又等咗好耐先嚟到，太肚餓所以冇影到🥹總括而言，呢間都係行打卡cafe路線，全部野食嘢飲，真係試一次就夠😋
檸檬蟹肉蟹膏意大利粉有驚喜✨($118)
因呢間舖頭好似招牌菜係豬柳強班戟😂❓
餐廳提供嘅蟹肉好食到，令我同友人一度懷疑唔係罐頭蟹肉（最後冇向職員Fact check）檸檬配蟹肉呢一個組合不嬲都好穩陣，蟹肉份量適中，可惜明顯蟹膏欠缺，令意粉欠缺蟹油香，值得讚嘅係意大利粉食落煙靭有彈性，如果檸檬香再出啲會更好。
Groot BB (All Day Breakfast) ($103)
味道方面，炒蛋、芝士焗杏鮑菇、小蕃茄正常發揮，但份量略少，2片三文魚需另加$15。牛油果沾到黑醋汁，外表睇落令我哋覺得個牛油果太老太熟，餐牌標榜酸種麵包，但其實黑麥味重啲，食得出冇乜酸種，似Outback steakhouse麵包，加咗芝士同香草點綴一下，令口感冇咁乾身。
其實仲叫咗杯熱latte，拉花幾靚嘅，但又係重奶，冇乜咖啡香，又等咗好耐先嚟到，太肚餓所以冇影到🥹
總括而言，呢間都係行打卡cafe路線，全部野食嘢飲，真係試一次就夠😋 餐廳只收現金，同FPS，餐具自取，唔收加1。
檸檬蟹肉蟹膏意粉 x Groot BB (All Day Breakfast)
$118
7 瀏覽
0 讚好
0 留言
海鹽奶蓋Americano
$48
33 瀏覽
0 讚好
0 留言
張貼
