影片
更多
2019-09-05
46 瀏覽
屋企無人煮飯就同阿妹出街食。平時等巴士見到都想試好耐，所以就去左Pizza Piazza。間舖啲裝修都幾簡潔有趣，周圍都掛左啲得意poster，如果想影ig相都好方便。因為唔係好肚餓，所以就淨係嗌左個終極漢堡（連薯條同飲品）（$88）、花生醬牛奶奶昔同堅水牛城雞翼（$78）。落完單之後，店員好快就俾左籃麵包比我地。啲餐包唔係配牛油，而係意式食法，有橄欖油同醋配黎食。食完個麵包，個終極漢堡就上菜了！！！好得意有四隻醬料（茄汁、法式芥辣醬、秘制辛辣醬、黑松露野菌），所以我地都擠曬出黎試食。黑松露係幾特別，有淡淡嘅松露味，唔會好濃，搞到食乜都無味。不過個人偏好傳統味道，所以都係點茄汁同芥辣醬食。個漢堡好足料，除左肉餅、洋蔥仲有parma ham!!! 個肉餅肉質鬆軟，味道唔會太濃，如果偏好多啲味道，可以自己擠醬汁一齊食。至於雞翼份量都好足，不過味道真係偏辣，所以阿妹就食唔到，我食左大部分。伴碟嘅係芝士醬，味道好濃，超邪惡。因為雞翼真係幾辣，好彩嗌左杯奶昔，即刻中和返啲辣味。杯奶昔唔會好濃香蕉味，所以連我本身討厭香蕉奶都覺得幾好飲，除左香蕉味，仲有淡淡嘅花生醬味，所以唔會好滯或者好寡。食完咁多
間舖啲裝修都幾簡潔有趣，周圍都掛左啲得意poster，如果想影ig相都好方便。
因為唔係好肚餓，所以就淨係嗌左個終極漢堡（連薯條同飲品）（$88）、花生醬牛奶奶昔同堅水牛城雞翼（$78）。
落完單之後，店員好快就俾左籃麵包比我地。啲餐包唔係配牛油，而係意式食法，有橄欖油同醋配黎食。
食完個麵包，個終極漢堡就上菜了！！！
好得意有四隻醬料（茄汁、法式芥辣醬、秘制辛辣醬、黑松露野菌），所以我地都擠曬出黎試食。黑松露係幾特別，有淡淡嘅松露味，唔會好濃，搞到食乜都無味。不過個人偏好傳統味道，所以都係點茄汁同芥辣醬食。個漢堡好足料，除左肉餅、洋蔥仲有parma ham!!! 個肉餅肉質鬆軟，味道唔會太濃，如果偏好多啲味道，可以自己擠醬汁一齊食。
至於雞翼份量都好足，不過味道真係偏辣，所以阿妹就食唔到，我食左大部分。伴碟嘅係芝士醬，味道好濃，超邪惡。
因為雞翼真係幾辣，好彩嗌左杯奶昔，即刻中和返啲辣味。杯奶昔唔會好濃香蕉味，所以連我本身討厭香蕉奶都覺得幾好飲，除左香蕉味，仲有淡淡嘅花生醬味，所以唔會好滯或者好寡。
食完咁多野，女人嘅胃永遠可以再容納甜品，所以就嗌左個Oreo芝士蛋糕。個蛋糕唔會好膩，雖然有oreo但唔會太甜，即刻無曬罪咎感。
間餐廳好適合兩三位朋友坐係度傾計，唔會好嘈。食完咁多野真係要跑返步先得。
張貼
