Griddy's Waffles & Cocktails (已結業)

其實我本身就麻麻哋鍾意食窩夫，不過朋友想食，就陪佢嚟試吓啦。都係睇到網上介紹先知道有呢間Griddy's Waffles & Cocktails，位於將軍澳，地區對我哋來講都幾遠，好彩佢算近地鐵站。鋪面裝修都幾大，加上呢度可能人流唔算多，所以我坐得多好舒服，適合同朋友慢慢傾吓計飲番杯。而家嘅窩夫真係好多花款，我哋叫咗個油酥鴨窩夫，一送到黎已經聞到好香，金黃色嘅鴨腿實在係吸引，識落都幾多汁，旁邊有沙律菜，所以食完都唔會覺得好油膩。另外再叫了一個煙燻西班牙黑毛豬，上菜嘅時候會有一陣煙霧出，慢慢就會聞到淡淡嘅蘋果味。黑毛豬鞍好大件，肉質軟稔，加埋蘋果木煙燻味，識落會有種清新嘅感覺。呢度嘅飲品選擇都幾多，有酒精同母酒精都有提供，我哋叫咗雞尾酒同埋朱古力嚟飲吓。喺呢度整體感覺都算唔錯，舒服，冇壓迫感，係可以慢慢享受嘅地方。