家上海 (形點 I)

營業中

休息中

今餐老人家主場，唔想飲茶，搵咗幾間餐廳，終於敲定去呢間——家上海。前兩日打電話訂座，但full咗，餐廳建議11點半開門前等，walk in攞位。老人家好穩陣，提前15分鐘到，但已經有幾個老人家等緊🤣。我們一行六人，安排坐喺靠窗角落，位置實在太好了！自成一角，遠眺可以看到博愛醫院，已經覺得賺咗。🤩🤩餐牌有二人、四人餐等，但單點更划算。***淮安五味醬拼盤（$248）有炸香魚、醉雞、海蜇等，視覺效果唔錯。炸魚炸好脆，甜酸味。 海蜇和醉雞就一般。***滬江油淋子雞（$198）中規中矩，雞肉尚算嫩滑，但少啲雞味，其實喺香港都好難食到靚雞味，冇計。***蛋黃流沙包（$42）流沙包有驚喜，外皮黑色中間一條金色，睇落去有啲神秘感。蛋黃流沙食到一粒一粒蛋黃，好有質感，一定要熱食。***金牌小龍飽（$54）一籠五件，皮薄餡靚，咬落去多肉多汁。***蜜餞火方嚮鈴夾（$128）火腿好香，好有口感，感覺好高級。要加埋蜜餞和響鈴片食，先有層次感。***主食揚州炒飯（$88）賣相唔太吸引，但有淡淡的、熟悉的揚州炒飯味，乾身，唔油膩，食完想再食。上海粗炒（$88）味道OK。