The Barn II Pub & Restaurant (已結業)

銅鑼灣搵食，要搵平、快、靚、正。Barn 2 係同事既食堂，自然我都很經常到訪。「平」既然排四大條件之首，飯類最平一個，亦很穩陣，所以平常都會點肉餅。浦一坐下，侍應先問飲咩湯。合掌瓜湯都似正常滾湯，未至於係水。內餅來啦。份量可以，大碟少少更好。廚房仲會灑上蔥花，都仁至義盡。鹹蛋黃顏色未算有光澤，蛋白不翼而飛。肉餅蒸起，碟裡留有肉汁，撈飯首選。我一支叉剷起肉餅，放上碟頭飯上，肉汁淋上面，大啖大啖又一餐。飯後侍應走近想放下東西，「你攪錯了。」我心裡正想叫出來。原來飯後有水果。我受寵若驚，認真想一想，肉餅上次來吃好像才四十六元。這該是「增值服務」。吃頓飯，好吃，就腳，都沒什麼想求了。