燒烤堂 (已搬遷) 新店位置

近來香港瀰漫着一片食串燒燒，串燒鋪頭開到成行成市。呢日我又來吃串燒了。今次去到銅鑼灣的燒烤堂大快朵頤，兩個人食咗好多串燒，滿載而歸。餐廳嘅裝修充滿日式風情，仲做緊啤酒優惠，我見好多台客都一路啤一路食串燒，飲飽食醉。佢哋串燒種類都好多，無論係牛豬雞、蔬菜、海鮮，都應有盡有。調味方面，亦都有鹽燒、汁燒、麻辣等等的選擇。值得一提嘅係，佢哋嘅麻辣真的超辣，我好耐都未試過食辣食到要狂飲水，真係好過癮刺激！以下係我嘅一啲個人推介：芝士燒芝心芝士狗釀芝士腸：勁芝味！厚厚嘅芝士，加芝士狗和芝士腸，完全係爆芝嘅感覺！燒饅頭：饅頭燒得好靚，蒸就食得多，燒嘅都係第一次，味道好正，加埋煉奶真係冇得頂。雞皮墨魚滑：香脆嘅雞皮，裏面包住嘅係大大件墨魚滑，一次過食到雞皮的香味，亦都食到墨魚滑嘅彈牙。椒鹽炸北海道蝦仔：北海道蝦仔的蝦殼和蝦頭都食得㗎 ！原因係佢哋已經查到香香脆脆。唔好睇啲蝦仔細細隻，每隻裏面都有啖啖蝦肉，味道亦都好香好鮮，蝦味出晒嚟。麻辣西班牙黑毛豬：雖然佢哋麻辣真係好辣，但其實食得麻辣都係想那姐！加埋厚厚嘅西班牙黑毛豬肉，味道真的一級棒！