韓牛韓式燒烤 (已結業)

今日媽咪不在家, 就同老豆出去食韓燒, 爸爸咁大食最岩就係帶佢食放題!黎到呢間韓牛韓式燒烤, 上到黎已經比佢既自助BAR 驚嚇到! 多野食到一個點!!!坐低開爐就去巡場一周, 先有甜品/生果, 再有壽司刺身, 然後有熟食, 泡菜, 同埋D肉類~呢到泡菜都好似有幾十款, 我同老豆最鐘意食魚仔乾同埋泡菜, 一人食左一碟!肉類方面我地主力都係食牛, 發覺牛仔骨同牛柳粒最好食! 所以不斷ENCORE!熟食方面有牛尾/清湯牛雜等等, 都幾好食!不過最吸引就係佢既生果, 佢連柿都有得食, 仲好甜! 我地食到最後好似變左生果放題咁, 食到勁飽!!!