牛摩+ (新都城中心二期) (已結業)

今日去新都城嘅牛摩邊爐放題，揀咗一個特選美國🇺🇸牛肩胛嘅套餐（$258），另外用手機點單好方便～ 呢個餐仲有豬肉、雞肉同海鮮～ 睇完菜單覺得最貼心嘅係可以比較貴嘅食材例如海鮮等等可以單點，可以確保質素得來，成個餐又唔會變得十分之貴選擇彈性大好多湯底有8款，我同朋友用一人一鍋，分別揀咗一個蟲草花雞白湯鍋底，同埋一個昆布鰹魚清湯，感覺清爽健康，昆布嘅我覺得比較清淡少少，雞白湯就有好香濃嘅感覺，有蟲草花喺入邊好養生！首先上嚟嘅牛肩胛肉質地爽口唔油膩，肉質相對肥牛比較瘦，唔會好似肥牛油膩感，肩胛肉爽口啲！豬同雞都各叫左一碟，無咩雪味幾滑身！但主打我同朋友食牛同海鮮多啲～另外出邊會有沙律吧，我覺得幾好👍🏻可以打邊爐之前首先食啲蔬菜🥬 有生菜，青瓜，粟米，蕃茄等等，連蓮藕同苦瓜都有！種類都幾多～木耳絲超爽口，必點！自助區方面我鍾意佢嘅芝士年糕，出邊餐廳比較少食到，入邊夾心芝士好香，一咬開爆汁嘅感覺好好食，注意唔好煮得太耐會林～ 佢韓式嘅食材都比較多，會有魚糕、年糕等等，調味料亦都有韓式辣醬可以自製一個韓式邊爐🤣海鮮方面，我哋多點咗青口、帆立貝、花枝棗，我覺得三樣都各有各好食，青口大隻爽口、帆立貝大