屋喔 (已結業)

去朗豪坊睇戲前 只有一個鐘左右食飯 近近地朗晴坊最方便。原來打算食泰菜 見到屋喔的餐牌 又幾特別 又台式又西餐 晚餐幾多元化 一於試下。台式小食～ 夜市台灣腸。燒得好香脆 喜歡台灣腸的口感 有咬口和結實 間中有啖啖肉粒 外面帶少少蜜糖甜味 不錯～海苔鹽酥雞～ 份量都不少 炸得不錯 不會太老 咸咸地 惹味 送啤酒最好 哈哈。明太子卡邦尼闊麵～ creamy! 忌廉汁唔會太稀 闊條麵軟硬適中。煙肉洋蔥再配上脆脆明太子 fusion得唔錯。晚餐加錢可以選特飲 又包甜品～ 冰藍蝶花青檸特調。顏色好靚 藍藍紫色 帶上淡淡青檸和薄荷香味 幾清新～甜品揀左Tiramisu 口感幾滑 芝士都香 如果咖啡味再濃點更好！