笑酤和味炭燒 (The Pulse) (已結業)

係淺水灣商場The Pulse地下沙灘旁，有一排好Chill既餐廳，對住個沙灘，環境都好正。其中得一間日本料理🇯🇵「笑酤和味炭燒」呢間既賣點係餐廳有最大型日式備長炭燒爐，主要有串燒、 刺身、壽司、鍋物等，食物選擇都幾豐富。餐廳最近都有翻新，環境比以前更舒適。🔸笑酤卷$228🍤🦀店員有介紹下餐廳的招牌，揀左個卷物「笑酤卷」，賣相都唔錯，好多點綴，飯卷中夾住天婦羅蝦和炸軟殼蟹，都炸得酥脆，帶有雙重口感。🔸黑毛豬紅油抄手$68🥟🔸黑毛豬擔擔稻庭麵配溫泉日本蛋$168🍜呢兩款係餐廳呢期推出既Fusion 料理，係日式Ｘ川味。紅油抄手個汁都幾得🌶️少少辣又有有香醋味，食落好開胃。黑毛豬擔擔稻庭麵係意想不到的好食🐷🌶️本身以為係湯麵，好似上海擔擔麵咁，原來係似撈烏冬，撈埋黑毛豬豬肉碎同溫泉蛋蛋汁，味道好好，食唔停口。😋🔸免治雞肉棒$52 雞軟骨$38 牛舌$78 白膳$108🍢點少得叫返幾串串燒，自家製免治雞肉棒配有日本蛋同燒汁，肉質有啲爽口，如果大串啲就更好。牛舌、白膳都燒得好香，都夠大件，唔錯。📍#笑酤和味炭燒 (#淺水灣美食)淺水灣海灘道28號The Pulse L1樓109號舖