築地日本料理 (金百利廣場)

營業中

休息中

同好友食日本野，去返之前返工成日幫襯嗰間， lunch就食得多，不過夜晚都係第一次。我地點左幾款壽司，魚生係新鮮，份量都算大件，即叫即做，而且價錢都唔貴，每樣都抵食，尤其個牛油果軟殼蟹壽司卷，d料比例配搭得好好，如果大件多d d就perfect。牛肉蔬菜壽喜燒鍋個鍋唔貴，不過都好多料，牛肉、大蔥、豆腐、金菇、蔬菜份量都算多，當中牛肉比例較多，湯汁濃郁，基本不錯，唯一係隻蛋已經放左入去，如果可以自己點蛋汁先食仲好。咖喱豬扒飯之前lunch都成日食，價錢好抵，炸豬扒外脆內軟，味道保持一貫水準，咖喱汁依然係香濃美味，送白飯一流。第一次喺度食dinner，好抵食性價比高。