野川拉麵の深燒食堂

營業中

休息中

黎到依到食晚飯，有刺身、壽司、拉麵烏冬、串燒、炸物等等，好啱同朋友黎聚舊。六品刺身盛合，有半板海膽、三文魚、油甘魚、帶子、甘蝦、北寄貝。海膽入口即溶，可以用紫菜包住黎食。其他刺身都好新鮮，最中意三文魚同帶子，帶子脹卜卜好鮮美。揚出雞柳配綠茶冷麵，第一次食綠茶冷麵，估唔到真係有啖啖綠茶味，有勁道。雞柳炸完一樣咁juicy，保留到肉汁。叫咗幾款壽司，三文魚籽粒粒都好晶瑩剔透，饅魚燒得好香口。見到串燒都好吸引，送啤酒一流。特別推薦牛舌，非常軟腍，油香味十足。依度嘅飲品都做得好出色！蜜瓜雪條特飲，雪條要快啲食，如果唔係好快會溶XD。朋友叫咗可可脆片阿華田芝士奶蓋，奶蓋好creamy厚滑。