茶餐廳2.0 (已結業)

呢餐係10月其中一個星期日食㗎，同父母番到大埔，係唔知食乜好嘢情況下，嚟咗呢間可以用app拎飛排隊嘅cafe 2.0。呢到優點係食物選擇多，有鐵板餐，扒餐，西式鋦飯意粉，小菜，日式韓式都有，大部分餐60-80，鐵板都係100蚊，好抵食。我要咗晚市套餐嘅牛柳伴雞扒，老豆要咗咖喱雞配農夫包，阿媽就鐵板西冷牛扒。我嗰餐走咗薯條，不過有兩大塊扒，好夠食，不過食物唔夠熱，扒質素就正正常常，呢個價錢，唔呵求高質。下次叫鐵扒應該好味啲。阿媽個牛扒餐，唔錯，大大一塊，有肉味嘅。餐湯有中湯或者羅宋湯，我要咗羅宋湯，太甜，似茄汁溝水⋯。總括依然，都值得幫襯，只要選啱食物就得。