少爺18 (已結業)

間唔中就會掛住海南少爺既肉骨茶，但我太耐無來食，原來整間餐廳都裝修了，感覺走年輕風格，有些碗碟是粉綠粉紅色花花圖案的，有些是藍白花紋，整體好有亞洲風！比較濕的咸蛋炸魚皮前菜，好香口，而且唔咸個味都幾上癮架，邊食邊飲茶，又可以慢慢等個主菜喇，茶都超好飲！招牌海南雞飯$98，灑上炸蒜片增加亞洲風味～海南雞都幾滑有雞味，煮得入味，而且雞皮好爽滑，油飯整碗味道平均，唔會太濃味太油，不錯，最後飲埋碗清湯，放了幾粒杞子感覺健康，醃蘿蔔青瓜很清爽！