至尊滿屋日本料理 (已結業)

有朋友係廣州黎，又唔想帶佢地食中餐，睇到openrice介紹御滿屋日本料理放題，朋友又話想食日式野，飲番杯酒，任飲任食就岩曬，一於帶佢地去食。🥳好在早到咋！6：30到已經滿座了。好旺啊！一黎到我地就叫左幾款唔同既魚生同壽司，待應上左成隻魚生船，不得了，由其係三文魚，好新鮮好肥美😋估唔到任食既魚生質數都咁高！而且隻魚生船好壯觀，岩哂打卡啊❤️燒物，炸物同天婦羅方面選擇都好多，我地叫左燒蝦，芝麻雞翼，羊架，燒菠蘿，天婦羅等等，香口好味！一路食串燒一路飲青酒，一流！另外要大讚呢到既蟹粥同烏冬面都好有水準，唔會因為放題就冇料，食到飽飽都仲要加多碗面😆食到差唔多，就出去甜品櫃揀甜品啦！另外店員仲叫我地揀Dryers或者Haagen dazs雪糕，有我最鐘意既紅豆雪糕，真係幾飽都要慢慢享受埋😋😋呢間放題第一次食，食物選擇多，而且唔係求其，有水準，服務員都好好招待又唔會漏單。下次要帶家人去食先😍