新記煲仔雞粥 (已結業)

嚟到元朗嘅新既，梗係食返個海鮮粥先啦，裏面嘅份量果然係巨無霸分量啦，十分之豐富，有蟹，帶子，魚，仲有大大隻蝦，豐富都不特止，最重要嘅係海鮮最重要嘅新鮮，佢都做得到，所以令到個粥，十分之鮮甜，令人10分滿足。之後我哋叫咗隻乳鴿，佢雖然係乳鴿，但係唔係BB鴿，夠晒大隻，脹卜卜，新鮮炸起仲係熱辣辣架，而且又厚肉，炸得又唔會太乾身， 10分好味。炸魷魚，而家炸魷魚，真係唔係周圍都可以食到，買少見少㗎啦，而且佢嘅炸魷魚外面嗰層粉唔會太厚，完完全全仲可以見到魷魚嘅原裝，新鮮炸起，食落口爽口彈牙有香脆，真係食到停唔到口呀。