波仔 (已結業)

唔想煮又唔想出街食，但又唔願hea食。。我就去左波仔睇下有咩啱估唔到依家波仔咁高質，仲多左好多款式。有飯 有菜 有湯 有甜品 大滿足🍆魚香茄子飯茄子入曬味， 豆瓣醬少少辣，有魚香肉碎，飯夠軟熟，無硬米，夠汁足料，可以撈曬成個飯。🐔姬松茸瑤柱燉雞湯入面有雞腳，瘦肉， 姬松茸 ，冬菇，瑤柱絲。用料十足👍🏻🥬雜菜包紅蘿蔔，金菇，小唐菜，娃娃菜 ， 原包放入微波爐叮叮就食得，方便簡單又健康。🥣芝麻糊（細$10）黑芝麻潤膚養顏抗氧化， 波仔的黑芝麻糖水香濃滑幼， 唔太甜唔會太稀，凍熱食都得，滿足埋另一胃。方便得黎，仲有質素，非常滿足。遲下要再入定貨。