築地日本料理 (金百利廣場)

營業中

休息中

喺銅鑼灣行完街去咗好方便嘅金百利商場搵食。眾多餐廳裏面我揀咗openrice勁多人like嘅築地日本料理。餐廳食物選擇好多，講得出嘅大路日本食物都有， 刺身/丼飯/壽司/燒物/拉麵/鍋物😂😂😂多到都揀左一陣。而且定價合理。今次揀左拉麵同燒物。白雞濃湯拉麵 $88拉麵唔會太林，剛剛好。 麵條係曲身嘅，所以非常之掛湯。湯底似係白豬骨湯，唔會太油太咸。講埋個煎雞，我覺得幾好食。即叫即煎，仲係熱辣辣，個皮仲係脆嘅，肉質嫩滑。麵同肉嘅份量都大份，性價比正常。鹽燒牛脷 $28牛脷幾好食。中等厚度，位置都厚， 加咗黑椒同埋鹽去調味，非常惹味燒廣島蠔 $55 2粒廣島蠔size都唔細，而且乾淨，唔腥。加埋蒜蓉焗完出嚟都幾好食。