大豐澳門翠苑餐廳 (已結業)

青衣好似好多嘢食，但係其實好多都唔係幾啱心水。 但係好鍾意食呢一間嘅茶記，勝在夠多元化。仲有卡位坐，算坐得幾舒服。同阿爸阿媽食咗個晚市精選套餐$148可以揀兩款小菜再加＄38炒多碟菜小菜選擇好多，差唔多成30款 。食物分量以二人餐來講都幾夠食，今晚嗌咗兩個小菜，三個人都食唔晒。個炒菜雞煲同埋個咕嚕雙拼，味道不過不失，最緊要係每碟菜上枱嘅時候都係熱辣辣。其實呢間每次水準都好平均，所以我哋一家人好鍾意呢度。特別要讚下杯奶茶，係用咗西冷紅茶葉，真正嘅又香又滑。