星怡 (已結業)

香港好少地方可以食到魔鬼魚，經過呢間星馬菜餐廳見到有即刻入咗去試，餐廳以淺藍色為主調，簡潔寬敞，仲有好多SOFA位。今次試咗新加坡香辣魚蛋同埋魔鬼魚辣死你媽椰漿飯。鍾意食辣嘅我覺得辣醬係小兒科，魔鬼魚上面沾滿左一層殺死你媽醬，非常香濃及偏鹹，魔鬼魚肉質鮮嫩，椰漿飯呈淺藍色，好香椰汁味。新加坡香辣魚蛋嘅辣汁同埋魚蛋係分開上，魚蛋炸過，非常彈牙香口，但唔會太熱氣，辣汁偏稠身濃味，大家可以根據自己食辣嘅程度決定沾醬份量。