果子｜海南雞飯·喇沙摻摻 (啟昌樓) (已結業)

#ftf_大埔選擇豐富多元 惹味新加坡菜個Menu真係勁多選擇，我樣樣都想試，但無奈個肚真係搞唔掂，哈哈！大蝦火山包 $128⭐️⭐️⭐️⭐️⭐️特別欣賞佢個汁係另上，因為佢個包係烘得好脆身，唔建議一次過林晒啲汁落去，如果唔係就會淋啤啤，想保持脆口，切出嚟點汁，口感更好。依到可見餐廳細節位諗得好周到，加分！再者佢個汁混和住滑蛋，香濃惹味，但唔會好口渴，令整個火山包味道上推高度更高層次，大蝦同青口各有三隻，味道鮮甜。另外，特別讚揚餐廳將蝦腸都清理乾淨，細心又加分！油酥餅 $28⭐️⭐️⭐️⭐️雖然口感上唔係特別酥脆，但呢個點火山包嘅咖喱汁簡直係無敵嘅組合！燒豬頸肉沙律 $58⭐️⭐️⭐️⭐️豬頸肉份量頗多，$58來講絕對抵食，略嫌有點肥，雖然色水上較為孤寡，但味道上絕對冇影響，都係入味嘅，配上沙律，酸酸微微，清爽得來，減少膩滯嘅感覺。馬拉盞炒通菜 $50⭐️⭐️⭐️⭐️⭐️呢個菜先$50 ，會唔會太抵食？味道惹味可口，但唔會涸喉，通菜都好爽口新鮮，強烈推薦！沙雞肉串燒（2串） $22⭐️⭐️⭐️味道不過不失，正常發揮，但略嫌有啲細串，大胃王有啲唔滿足，哈哈哈！白雲酸辣鳳爪（6件）$18⭐️⭐️⭐️⭐️⭐️餐廳係咪傻咗？$18仲要係冇骨！爽