影片
更多
2023-03-05
716 瀏覽
呢間主打酸菜湯底嘅餐廳選擇好多樣化，除左有幾款魚肉，湯底亦有辣有唔辣🌶️亦可以好似車仔麵咁選擇配菜，手機落單嗰陣仲可以揀辣度配料多少。不過整體都幾濃味，就算唔飲湯，食完都好口乾，唔適合經常食。🐟🍚 (唔辣)老壇酸菜湯鯛魚片 $73湯入面有大量酸菜，帶有少少甜味，唔辣既酸菜湯冇辣椒，都一樣惹味，配埋豆卜呢啲索汁既配料就岩岩好，鯛魚片肉質爽脆有咬口，雖然每塊都唔大舊，但整體份量都幾多。🐟🌶️🍋 檸檬酸菜湯鱸魚片 $73覺得酸菜湯唔夠酸，呢個湯底就啱你啦，有檸檬嘅清香同果酸，食到底仲會幾塊檸檬片浸著。鱸魚片好滑入口即溶，但夾起個陣多數都散曬。薯粉口感煙韌適中，好快就索曬啲湯汁，冇米線咁爽滑，同埋嗌咗小辣一樣滴曬汗，唔食得辣既朋友要諗清楚~
🐟🍚 (唔辣)老壇酸菜湯鯛魚片 $73
湯入面有大量酸菜，帶有少少甜味，唔辣既酸菜湯冇辣椒，都一樣惹味，配埋豆卜呢啲索汁既配料就岩岩好，鯛魚片肉質爽脆有咬口，雖然每塊都唔大舊，但整體份量都幾多。
🐟🌶️🍋 檸檬酸菜湯鱸魚片 $73
覺得酸菜湯唔夠酸，呢個湯底就啱你啦，有檸檬嘅清香同果酸，食到底仲會幾塊檸檬片浸著。鱸魚片好滑入口即溶，但夾起個陣多數都散曬。薯粉口感煙韌適中，好快就索曬啲湯汁，冇米線咁爽滑，同埋嗌咗小辣一樣滴曬汗，唔食得辣既朋友要諗清楚~
張貼
