大將 (已結業)

呢間火鍋放題有五款唔同質量嘅火鍋套餐～《$188/$228/$298/$398/$468》主要分別在於牛嘅等級、海鮮款式同享用時間，$298或以上套餐平日一至四有150分鐘，星期五六日有100分鐘。湯底選擇眾多，有八款自選湯底，更設有雞煲系列，可以無限添加雞。揀咗澳洲和牛牛小排套餐，有多款牛、豬、雞、羊、海鮮等，食物款式相當豐富；澳洲和牛入口甘香，油脂平均，任食嚟講質素相當不錯；大八爪魚同沙白係亮點，沙白鮮甜肥美，非常乾淨；八爪魚爽口彈牙，超越放題質素。除咗任點美食，自助吧乾淨企理，即炸小食定時出爐，香脆可口，美味炸雞外脆內軟；丸類、菜類、飲品款式多，一定滿足到唔同人嘅口味；甜品有軟雪糕亦可以自製格仔餅，有得食有得玩開心大滿足。