樂天大喜屋 (已結業)

同朋友好耐冇見，揀左去大家都方便嘅旺角食放題！好多放題都食過，今次試嘅係未食過嘅樂天大喜屋日本料理～地方都算幾大，佔左創興廣場2樓全層～佢有一個幾大嘅自助區，有好多唔同種類既野食～有唔同既小食同小炒，啱晒鍾意試唔同野食既我！甜品都有好多種類，有乳酪，雪條，豆腐花，同埋好多款甜品杯～仲有沙律吧同冷盤！飲品都有好多款揀，絕對唔洗擔心搵唔到啱自己飲既野！食放題就一定唔少得刺身架啦～呢度有超過十款刺身可以叫，有我好鍾意既松葉蟹腳！三文魚夠厚，赤蝦夠大隻，整體黎講刺身都幾新鮮～各款壽司我最欣賞既係呢度啲壽司全部都係細細舊，可以試好多款既同時又唔洗驚食壽司食到飽晒，啱晒我呢啲咩都想試下既人～松葉蟹膏手卷；海膽手卷呢度嘅手卷都係好迷你～海膽都算新鮮！芝麻雞翼跟住就到我好鍾意既芝麻雞翼喇！！夠熱得黎炸得又脆，正~鹽燒雞翼；鹽燒雞軟骨食放題就點都要食下串燒，點少得我最鍾意既雞翼同雞軟骨~兩樣野都燒得好香，味道啱啱好，唔會話太咸或者太淡！雞軟骨卜卜脆，唔會話太硬，正！吉品鮑汁燴花膠盛宴好少見到放題有得叫花膠，就試下佢啦！花膠炆得夠淋又夠入味，好食！甜品款式夠多，味道都唔錯～每人仲有一杯haagen-daz