影片
更多
2022-07-31
11700 瀏覽
主打一汁多菜日式家庭料理嘅「米気」長期超長人龍！今次專登早少少五點半前到訪，唔洗排隊 坐到寛敞嘅卡位之餘，竟然仲有午市定食。午市定食包左米飯、主菜、冷盤、飲品，附送湯品及漬物，價錢由$68至80不等，亦可追加温菜同甜品。絕對比晚市單點抵食！不過就無咁多款式供選擇~個人幾鍾意餐廳無硬性規定小菜嘅數量，各式冷盤熱盤可以自由配搭，大胃王仲可以嗌多幾款！不過其實價錢都唔平呢~ 菜式整體味道唔錯，但有部分較為一般，勝在選擇多。————————————————⠀🍴午市定食「米」+「主」+「冷」+「飲」(價錢視乎「主」)「主」🍷紅洒汁煮牛肋條 $78牛肋條煮得軟腍入味，部分位置更入口即化，可惜份量偏少，只有三四塊~ 紅蘿蔔都炆得好腍好入味。紅酒汁濃稠，甜甜地，紅酒香氣恰到好處，仲有啲牛味添。個汁撈飯一流呀！🐣月見博多地雞團子 $78雞團子上面有隻生蛋黃，賣相幾靚仔呢~ 團子邊邊位微脆，當中混入雞軟骨增添口感。略嫌團子較實較散，欠缺肉汁。不過撈埋蛋黃會好少少，滑啲濕潤啲。「冷」🌊帆立貝裙邊海藻沙律帆立貝裙邊唔會好韌，海藻爽口。整道沙律多汁帶柚子香，小清
個人幾鍾意餐廳無硬性規定小菜嘅數量，各式冷盤熱盤可以自由配搭，大胃王仲可以嗌多幾款！不過其實價錢都唔平呢~ 菜式整體味道唔錯，但有部分較為一般，勝在選擇多。
————————————————⠀
🍴午市定食
「米」+「主」+「冷」+「飲」(價錢視乎「主」)
「主」
🍷紅洒汁煮牛肋條 $78
牛肋條煮得軟腍入味，部分位置更入口即化，可惜份量偏少，只有三四塊~ 紅蘿蔔都炆得好腍好入味。紅酒汁濃稠，甜甜地，紅酒香氣恰到好處，仲有啲牛味添。個汁撈飯一流呀！
🐣月見博多地雞團子 $78
雞團子上面有隻生蛋黃，賣相幾靚仔呢~ 團子邊邊位微脆，當中混入雞軟骨增添口感。略嫌團子較實較散，欠缺肉汁。不過撈埋蛋黃會好少少，滑啲濕潤啲。
「冷」
🌊帆立貝裙邊海藻沙律
帆立貝裙邊唔會好韌，海藻爽口。整道沙律多汁帶柚子香，小清新 做前菜唔錯~
🐙八爪魚沙律
八瓜魚唔會好韌，但未至於軟彈。入口帶芥末香，又唔會好辣。仲有啲番茄仔同青瓜，不過不失~
「温」
🦀忌廉蟹肉餅 +$18
外層酥脆唔油膩，忌廉稠滑creamy。味道唔錯，不過就無乜蟹肉味
🍳茶碗蒸 +$18
口感滑嫩，有蝦、鰻魚等配料，正常發揮~
「米」
🍚醬油蛋 +$8
飯粒飽滿，配上蛋味濃郁嘅蛋黃同唔會太鹹嘅醬油，基本上係不敗組合。雖然醬油唔夠撈晒成碗飯，但變相可以撈雞團子或者牛肋條嘅醬汁，兩款汁都甜甜地幾岩送飯。
「甜」
🍨米気雪糕 +$20
好得意嘅雪糕！質地稠滑偏黏帶冰感，男朋友就話味道有啲似唔鹹嘅旺旺雪餅x豆腐。雪糕面頭仲有微鹹嘅脆脆，增添層次感。意外地岩口味喎！
張貼
