活一鮮

營業中

休息中

食過西環分店的活一鮮，估唔到行過大角咀原來都有間分店，於是再回味多次。兩個人嗌咗應該有十樣野有多，5塊吞拿魚刺身，尼個刺身厚切的，味道鮮甜，顏色非常鮮紅。壽司嗌咗三文魚腩，赤海蝦，劍魚腩，鱆紅魚，柚子胡椒油甘魚，龍蝦羔軍艦同海膽軍艦。三文魚腩壽司塊三文魚腩味道好濃，味道會殘留係口腔一段時間，有啲驚喜，其他壽司水準都算很好，海膽軍艦食落口，個口感好潺，我自己就覺得好奇怪，不過就唔腥好甜。卷物嗌咗兩款，分別係天婦羅蝦卷同埋蔥吞拿魚腩卷，吞拿魚腩整成蓉再配搭蔥極成既飯卷真係一流。天婦羅蝦卷就普普通通。今次仲嗌咗個燒物，限量的厚切燒牛脷，尼個真係一百分，肉質淋且爽口，燒到啱啱好，唔會太熟，重點係非常厚身，食落口感非常好，食完一件又一件，高質之選。