影片
更多
2024-08-28
38 瀏覽
Bingo & Cook📍銅鑼灣駱克道491-499號京都廣場2樓星期四嘅晚上，我同朋友都忙足大半個禮拜，我甚至忙到午餐都無咩點食，所以我哋決定放工後一齊去豪食一番！識食之好友介紹我去銅鑼灣食正宗韓國菜，我哋無預約就咁walk-in，好好彩因為時間尚早，未有太多客人，我可以周圍打卡之餘，仲被安排坐喺富韓國地道特色嘅靠檯坐位，感覺置身韓國街頭。喺嘢食到齊時，全場滿座，仲有唔少人喺等候區邊打卡邊等位，喺呢個市道呢講，真係好厲害！我鍾意店家用心設計嘅店面，除咗所有檯櫈都神還原韓式大牌檔風味，路牌、車站、髮型屋、尋人啟事等元素都令人好有投入感，加上大部分員工都係韓國人，所以令未去過韓國嘅我覺得特別新奇！ 💰$148海鮮煎餅 🫓怕泡菜煎餅會太鹹太辣，我哋揀咗唔辣嘅海鮮煎餅試試。海鮮份量十足，粉漿同配料比例完美，厚薄度適中，趁熱食超脆口！我鍾意佢夾有紅椒、甘筍等蔬菜一齊煎，除咗口感更好，營養亦都比較均衡，點少少醬汁食更提鮮！ 💰$130蜂蜜黃油炸雞 (半份)🍗 呢籃炸雞就係我選擇嚟呢度食嘅其中一大原因，朋友食過都大讚好食，甚至話比佢食過嘅所有韓國炸雞店都要好食，講到咁勁，我又點可以唔試下呢？好食，
📍銅鑼灣駱克道491-499號京都廣場2樓
星期四嘅晚上，我同朋友都忙足大半個禮拜，我甚至忙到午餐都無咩點食，所以我哋決定放工後一齊去豪食一番！識食之好友介紹我去銅鑼灣食正宗韓國菜，我哋無預約就咁walk-in，好好彩因為時間尚早，未有太多客人，我可以周圍打卡之餘，仲被安排坐喺富韓國地道特色嘅靠檯坐位，感覺置身韓國街頭。
喺嘢食到齊時，全場滿座，仲有唔少人喺等候區邊打卡邊等位，喺呢個市道呢講，真係好厲害！我鍾意店家用心設計嘅店面，除咗所有檯櫈都神還原韓式大牌檔風味，路牌、車站、髮型屋、尋人啟事等元素都令人好有投入感，加上大部分員工都係韓國人，所以令未去過韓國嘅我覺得特別新奇！
[價錢 Price]
💰$148
海鮮煎餅 🫓
怕泡菜煎餅會太鹹太辣，我哋揀咗唔辣嘅海鮮煎餅試試。海鮮份量十足，粉漿同配料比例完美，厚薄度適中，趁熱食超脆口！我鍾意佢夾有紅椒、甘筍等蔬菜一齊煎，除咗口感更好，營養亦都比較均衡，點少少醬汁食更提鮮！
[價錢 Price]
💰$130
蜂蜜黃油炸雞 (半份)🍗
呢籃炸雞就係我選擇嚟呢度食嘅其中一大原因，朋友食過都大讚好食，甚至話比佢食過嘅所有韓國炸雞店都要好食，講到咁勁，我又點可以唔試下呢？
好食，真係好好食！Bingo嘅炸雞真真正正做到皮脆肉滑，而且粉漿只係薄薄一層，蜂蜜黃油果然係最佳配搭，甜蜜香脆又水厚大件，沾少少蜂蜜芥末醬食，味道更上一層！
[價錢 Price]
💰$380
50cm韓式海鮮鍋 🍲
今餐主角係韓式海鮮鍋，如其名係用咗個特製50cm長嘅鍋具呈上，因為太長所以要兩個gas爐先放得晒，衝擊眼球！鍋內有蜆、青口、鮮鮑、蝦、蟹、小扇貝同魷魚筒，湯底就以大醬為base，配搭香菇、大豆芽、泡菜同高麗菜等熬製，帶微微辛辣，材料相當豐富。
海鮮慢慢被熱湯煮熟，精華鮮味一一滲入大醬湯底，令湯底更有層次，味道昇華。
我哋欣賞店員會主動幫忙，手起刀落哋將整條魷魚筒前碎，服務態度好好。每款海鮮都各有優點，我就唔盡數啦，但一定要講嘅就係全部都好新鮮，每款都係鮮嫩可口，唔怕因長時間熬煮而變老變柴，海鮮魔人必食之選！
海鮮鍋食唔晒唔需要擔心，店員好熱心哋準備外賣盒俾我哋打包，仲私心推介我哋將食唔晒嘅海鮮同配料帶返屋企煮韓國麵食添！
[價錢 Price]
💰$75
炸蝦紫菜包飯 🍤
炸蝦紫菜包飯內卷有青瓜、酸瓜、魚糕、甘荀絲、雞蛋等配菜，中間嘅炸蝦肉質彈牙，麵衣炸至金黃酥脆，夾埋帶有麻油香嘅米飯，飽足感同滿足感同步up up up！
[價錢 Price]
💰$65
吞拿魚紫菜包飯 🍱
另一款紫菜包飯同樣有齊上述配料，但主角就變咗吞拿魚沙律餡。吞拿魚紫菜包飯比炸蝦紫菜包飯少咗一重香脆，但因為吞拿魚味道較清淡，口感亦較軟滑，所以會食到各種食材嘅爽脆，整體比較清新輕盈。
張貼
