影片
更多
2013-05-04
319 瀏覽
都話最近好鍾意食咖哩嫁啦，於是係五一勞動節又搵埋家姐陪我去食印度咖哩我地叫左一個SPECIAL LUNCH同兩款散叫既野食。落完單冇耐佢就上左個胡椒薄脆，跟個酸酸地辣辣地既黃色醬。個薄脆胡椒味都OK，微辣。反而個醬更辣，不過就偏鹹既。家姐叫左個咖哩雞既SET LUNCH，入面包左湯、咖哩雞、飯或NAAN、炒菜一碟同埋野飲一杯。個湯係扁豆湯。個湯飲落有D薯仔味(？)，入面有D一粒粒既野，唔知係咪就係扁豆呢？不過對我黎講個湯個味好似怪怪地咁，可能飲唔慣掛，我就覺得麻麻地。之後就到主角咖哩雞啦。入面都有4-5舊雞同一舊薯仔。只要個雞雪味唔重同舊薯仔夠淋就冇咩大問題，最主要都係個咖哩汁！我覺得個咖哩汁辣度唔係好夠，而且有種愈食愈鹹既感覺但係我家姐又冇話覺得鹹，而且愈食愈辣添！(所以話，口味呢樣野真係因人而異)由於我地散叫左一個薯仔薄餅，所以我家姐就決定呢個餐到叫個白飯黎送咖哩。個飯一上到黎，我同家姐都呆左因為個份量真係好多！(但係我明明已經叫左少飯，但份量依然多得驚人！所以我同家姐都認為佢係唔記得左)飯係印度長米，只要佢係熱同夠粒粒分明就OK。(如果唔係既話撈埋咖哩就變爛飯，好難食)之後個炒菜
我地叫左一個SPECIAL LUNCH同兩款散叫既野食。
落完單冇耐佢就上左個胡椒薄脆，跟個酸酸地辣辣地既黃色醬。個薄脆胡椒味都OK，微辣。反而個醬更辣，不過就偏鹹既。
家姐叫左個咖哩雞既SET LUNCH，入面包左湯、咖哩雞、飯或NAAN、炒菜一碟同埋野飲一杯。個湯係扁豆湯。個湯飲落有D薯仔味(？)，入面有D一粒粒既野，唔知係咪就係扁豆呢？不過對我黎講個湯個味好似怪怪地咁，可能飲唔慣掛，我就覺得麻麻地。
之後就到主角咖哩雞啦。入面都有4-5舊雞同一舊薯仔。只要個雞雪味唔重同舊薯仔夠淋就冇咩大問題，最主要都係個咖哩汁！我覺得個咖哩汁辣度唔係好夠，而且有種愈食愈鹹既感覺但係我家姐又冇話覺得鹹，而且愈食愈辣添！(所以話，口味呢樣野真係因人而異)由於我地散叫左一個薯仔薄餅，所以我家姐就決定呢個餐到叫個白飯黎送咖哩。
個飯一上到黎，我同家姐都呆左因為個份量真係好多！(但係我明明已經叫左少飯，但份量依然多得驚人！所以我同家姐都認為佢係唔記得左)飯係印度長米，只要佢係熱同夠粒粒分明就OK。(如果唔係既話撈埋咖哩就變爛飯，好難食)
之後個炒菜係炒菜心，冇咩特別，係多油左少少。每餐都有菜落肚，飲食均衡(雖然覺得炒菜心同印度或者尼泊爾好似拉唔上關係)
跟餐飲品我地叫左一杯純乳酪(竟然唔駛加錢，讚！)杯純乳酪酸酸地凍凍地，用黎解辣一流！可惜我覺得個日叫既野唔夠辣，浪費左杯野飲
講完SET LUNCH，就到散叫既兩樣野。因為我想食既野係SET LUNCH入面係冇包到既，所以先造就左我散叫呢兩樣食物。我想食既係薯仔薄餅！(我的確好鍾意食澱粉質！)之後外加一個辣炒雜菜。(個時諗住食多D菜冇壞既，同埋唔知原來SET LUNCH包左個炒菜)先講個薯仔薄餅。佢的確係一個薄餅@@！因為佢唔同平時食開既NAAN咁煙煙韌韌、軟軟地，反而個面係脆身既，入面又有D似麵包既口感。雖然話係薯仔薄餅，但其實我唔係太食到入面既薯仔餡同香料味。老實講我係有D失望既。唯有將佢當係一個普通既麵包點咖哩雞既咖哩一齊食！
跟住到個辣炒雜菜。我原本睇幅圖以為會係用乾咖哩黎炒，好似平時食既燴薯椰菜花咁，我仲特登叫佢加辣添！點知一上枱既時候即刻打左個突，因為佢個樣同清炒冇分別。我以為落錯ORDER，仲特登問返個侍應，佢話我個個真係辣炒雜菜黎。雖然同原先諗既有D唔同，但只係我自己既問題，黎到都唯有照食。但係我食呢個雜菜既時候，其實唔係太食到佢既辣。佢既辣亦都只係指係炒既時候加幾粒辣椒。對我黎講，我覺得佢叫清炒雜菜好似仲合適。而且呢個散叫既菜係收正價$58，但係出到黎既份量我覺得係偏少，似平時食開三十幾蚊既份量到。若果佢辣返DD同多返DD咁就好啦。
唔知佢D食物係太鹹定點呢，個日晏就食完之後成日都覺得好口乾，好想搵水飲呢...總括黎講，我覺得佢個到既食物味道一般，唔算話特別好食，而且食完之後喉嚨又有D唔舒服。但係若果突然想食印度野，想止一止口癮，近近地都會搵佢既。不過就只會係食晏既時候去囉，因為抵食好多。
題外話/補充資料：
1. 唔知呢間餐廳係咪已經轉左手呢？因為我同家姐入去坐低，之後個侍應俾個餐牌我地睇既時候，我發現個面係寫住蓬萊咖哩屋既...英文名都改左做SHANGRI-LA CUISINE。唔知同同區另一間同名既咖哩屋有冇關聯？
2. 唔知係個日我同家姐咁好彩，定平時都係咁。佢地上餐既速度有D慢呢...其實間餐廳唔大，只有約二十個位。個日計埋我同家姐都係得十三個人到，但係由我地落單到野食上枱都等左8-9個字，真係未餓都等到餓...之後我先發現原來佢樓面係得一個人，廚房都係得一個人，即係成間餐廳只係得兩個人運作。唔知佢地係咪為左開源節流，有單先即叫即煮呢...所以係極度肚餓既情況下就唔太建議黎呢到食啦。同埋佢地D野食係一次過上枱既呢，所以一有野食既時候，我地係堆到成枱都係，唔係幾夠位放@@
(以上食評乃用戶個人意見 , 並不代表OpenRice之觀點。)
張貼
