小洋蔥 (已結業)

同屋企人一齊去左小洋蔥食下午茶，等左約10分鐘先有得入座，不過入到去都未執好枱。餐牌食物款式都算多，餐廳環境都幾舒適。點左一個迷你忌廉汁雞肉焗飯，一個迷你鮮茄香蒜滑蝦意粉同一個常餐-沙爹牛肉麵配粟米坑紋多士。焗飯唔錯，雞肉原來係一大塊既，唔係斬件既，忌廉汁唔太濃亦唔會淡。意粉既番茄酸甜，配埋蝦，入口唔錯。個常餐就有啲唔值，見到碗沙爹牛肉麵份量唔多。粟米坑紋多士賣相同造型精致，試左半件，發現無咩特別，都係普通多士，旁邊有啲生菜番茄伴碟。